ءبىلىم
پاۆلودارداعى بالالار ۇيىندە 11 بالا پەدوفيلدىڭ قۇربانى بولعان
فوتو: اشىق دەرەككوز
پاۆلودار وبلىسىنداعى بالالار ۇيىندە 11 بالا پەدوفيلدىڭ قۇربانى بولعانى انىقتالدى, دەپ جازادى qandastar.kz
اسىراپ العان وتباسىندا جىنىستىق زورلىق-زومبىلىققا ۇشىراعان قىزدىڭ وقيعاسىنان كەيىن وبلىستاعى بارلىق مەملەكەتتىك مەكەمەلەردىڭ تاربيەلەنۋشىلەرى تەكسەرىلىپ جاتىر.
العاشقىدا جىنىستىق زورلىق-زومبىلىقتىڭ 6 قۇربانى انىقتالسا, قازىر 11 جاعداي بەلگىلى بولدى. اتاپ ايتساق, ءبىر وتباسىندا ءار ۋاقىتتا ءتورت بالانى اناسىمەن بىرگە تۇراتىن سۇيىكتىسى زورلاعان. بولعان جاعدايدان كەيىن كامەلەتكە تولماعان بالالاردى وتباسىدان الىپ الدى.
“بالالاردى وتباسىدان الىپ العاننان كەيىن بالالاردى مۇقيات مەديتسينالىق تەكسەرۋدەن وتكىزۋ كەرەك. سۋيدتسيد جاساعان بالالاردى دا مەديتسينا ماماندارىمەن جۇمىس ىستەۋى كەرەك. مايقايىڭداعى 6-سىنىپ وقيتىن قىز وزىنە قول سالماق بولعان”, – دەيدى وبلىستاعى بالا قۇقىقتارى جونىندەگى ۋاكىل ساۋلە شاكەنوۆا.
پوليتسيا 8 جاعداي بويىنشا سووتقا دەيىنگى تەرگەۋ جۇمىستارىن جۇرگىزىپ جاتىر. ال 3 جاعدايدىڭ قۇرامىندا قىلمىستىڭ قۇقىق بۇزۋشىلىقتىڭ بار-جوعىن انىقتالىپ جاتىر. بالالار ۇيىندە مەديتسينالىق تەكسەرۋ جۇمىستارى جالعاسىپ جاتىر. بىراق تەك 10 جاسقا دەيىنگى بالالار مەديتسينالىق تەكسەرۋدەن ءوتىپ جاتىر.
