پوليتسيا “جاڭا ادامداردىڭ” بەلسەندىلەرىن ۇستاۋعا تىرىستى

اقپاننىڭ ون توعىزىندا “جاڭا ادامدار” جاستار قوزعالىسى ەلوردالىق اسفەندياروۆ 2 مەكەن-جايىندا ورنالاسقان  «KaiMart» دۇكەنىندە پيكەت وتكىزدى.
وعان سەبەپ وسىعان دەيىن دۇكەن قىزمەتكەرى 15 جاسار قىزعا اراق بوتەلكەسىن ساتقان بولاتىن. ساتۋشى ءوز كىناسىن مويىنداۋدان باس تارتقانى ازداي, جانجالعا دۇكەن يەسى دە قوسىلدى.
پيكەت كۇنى دۇكەن يەسى دە سول جەردە بولدى. ول بەلسەندىلەردى قورلاپ, جازامەن قورقىتتى جانە توبەلەس ۇيىمداستىرۋعا بارىن سالدى. ناتيجەسىندە دۇكەن يەسىنىڭ اگرەسسيۆتى ارەكەتتەرىن ءتۇسىرىپ تۇرعان پيكەت قاتىسۋشىسىنىڭ تەلەفونىن سىندىردى.
سول كۇنى كەشكە “جاڭا ادامدار”
كامپۋسى الدىنا بىرنەشە پوليتسيا كولىگى مەن ەكى اۆتوبۋس كەلدى. نۇرا استانا اۋدانى پوليتسيا باسقارماسىنىڭ قىزمەتكەرلەرى جاستار قوزعالىسىنىڭ جۇمىسىنا كەدەرگى جاساپ, كامپۋستى 4 ساعات بويى جاۋىپ تۇردى. بۇل جەردە ارينە, شارتتى سۇراق تۋادى. اۆتوبۋس كولىكتەرىنىڭ كەلۋ سەبەپتەرى نەدە? پوليتسەيلەر نەگە ساعاتتاپ كامپۋستى قورشاۋعا الدى? بۇل قۇقىق قورعاۋ ورگاندارىنىڭ زاڭ بۇزۋشىنى اشىقتان-اشىق قورعاۋى ما? الدە ارنايى وپەراتسيا ما?

دەسە دە پوليتسيا قىزمەتكەرلەرى ءوز ارەكەتتەرىن پيكەتتىڭ اسەرىنەن بەلسەندىلەرگە قارسى ارىز جازعانىمەن ءتۇسىندىردى. پوليتسيا ونداعان بەلسەندىلەردى بىردەن بولىمشەگە الىپ كەتۋگە تىرىسىپ باقتى. الايدا بىرنەشە ساعاتتان كەيىن پوليتسەيلەر ارەكەتتەرىنىڭ نەگىزسىز ەكەنىن ءتۇسىنىپ, قايتىپ كەتتى.
كەلەسى كۇنى نۇرا اۋدانى پوليتسيا باسقارماسىنىڭ قىزمەتكەرلەرى “جاڭا ادامدار” بەلسەندىلەرىن كامپۋستى بۇعاتتاۋمەن بولعان وقيعانى تالقىلاۋ ءۇشىن بولىمشەگە شاقىردى. ديالوگ ناتيجەسىندە جانجال شەشىلدى. پوليتسيا «KaiMART» دۇكەنىنە قاتىستى كامەلەتكە تولماعاندارعا الكوگول ساتۋ تۋرالى ءىس سوتقا جىبەرىلگەنىن تىلگە تيەك ەتتى.
ەندى «KaiMART» دۇكەنىنىڭ يەسىن جاپپاي پيكەتتەر مەن اكىمشىلىك جازا كۇتىپ تۇرعانى انىق.