Polıııa jumysyna kedergi keltirgenderge aıyppul salynbaq

Ishki ister mınıstrligi kólik júrgizýshilerine úndeý jasady, dep habarlaıdy qandastar.kz.

IIM málimetinshe, keıingi kezderi BAQ pen áleýmettik jelilerde polıııa qyzmetkerlerinen jedel-profılaktıkalyq is-sharalardyń ótkizilýi týraly qujattardy talap etip, olardyń jumysyna kedergi keltirý sátteri beınelengen vıdeolar jarııalanyp jatyr.

IIM ákimshilik polıııa komıtetiniń tóraǵasy Qaısar Sultanbaevtyń aıtýynsha, «Jol júrisi týraly” zańda jáne Jol júrisi qaǵıdalarynda kólik quralyn toqtatý kezinde polıııa qyzmetkerleri men júrgizýshilerdiń is-qımylynyń naqty tártibi aıqyndalǵan.

Kólikti toqtatý kezinde polıııa qyzmetkeri ózin tanystyryp, qyzmettik kýáligin kórsetip, toqtatý sebebin túsindirýi qajet.

«Júrgizýshi óz kezeginde ishki ister organdary qyzmetkeriniń zańdy talaptaryn oryndaýǵa mindetti. Al polıııa qyzmetkeri jedel-profılaktıkalyq is-sharanyń ótkizilip jatqanyn rastaıtyn qujattardy kórsetýge mindetti emes. Polıııa qyzmetkeriniń zańdy talaptaryn oryndamaý, qyzmettik mindetterin atqarý kezinde onyń jumysyna kedergi keltirý 30 aılyq eseptik kórsetkish mólsherinde aıyppul salý nemese 15 táýlikke deıin qamaýǵa alý túrindegi ákimshilik jaýapkershilikke ákep soǵady», – dedi IIM ákimshilik polıııa komıtetiniń tóraǵasy Qaısar Sultanbaev.