Jańalyqtar
Prezıdent merzimdi áskerı qyzmetke shaqyrý týraly jarlyqqa qol qoıdy
Aqordanyń baspasóz qyzmetiniń habarlaýynsha, Memleket basshysy Qasym-Jomart Toqaev «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2025 jyldyń naýryz – maýsymynda jáne qyrkúıek – jeltoqsanynda merzimdi áskerı qyzmetke kezekti shaqyrý týraly» jarlyqqa qol qoıdy.
«Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshiler 2025 jyldyń naýryz – maýsymynda jáne qyrkúıek – jeltoqsanynda Qazaqstan Respýblıkasynyń Qarýly Kúshteri, Qazaqstan Respýblıkasynyń Ishki ister mınıstrligi, Qazaqstan Respýblıkasynyń Tótenshe jaǵdaılar mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Memlekettik kúzet qyzmeti qatarynan zapasqa shyǵarylsyn», — delingen qujatta.
Sonymen qatar jarlyqta áskerge shaqyrýdy keıinge qaldyrýǵa nemese odan bosatylýǵa quqyǵy joq on segiz jastan jıyrma jeti jasqa deıingi er azamattar 2025 jyldyń naýryz – maýsymynda jáne qyrkúıek – jeltoqsanynda Qazaqstan Respýblıkasynyń Qarýly Kúshterine, Qazaqstan Respýblıkasynyń Ishki ister mınıstrligine, Qazaqstan Respýblıkasynyń Tótenshe jaǵdaılar mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine merzimdi áskerı qyzmetke shaqyrylatyny kórsetilgen.
Jarlyq alǵashqy resmı jarııalanǵan kúninen bastap qoldanysqa engiziledi.
