Álem jańalyqtaryJańalyqtar
Reseıde Kárim Másimovtiń quda balasyna izdeý jarııalandy
Kollaj Ulysmedia.kz
Reseı burynǵy UQK basshysy Kárim Másimovtiń kúıeý balasy bolǵan Azamat Qapenovtiń týǵan inisin izdestirip jatyr. Bul aqparat RF Ishki ister mınıstrliginiń saıtynda jarııalandy, dep jazady qandastar.kz
Izdeýdegi adamnyń aty-jóni – Meder Qapenov. Ol 1993 jyly Bishkekte týǵan. Izdeý sebebi belgisiz, biraq qylmystyq bap boıynsha kúdik bar ekeni kórsetilgen.
Kýrsıv saıtynń dereginshe, Qazaqstanda Meder Qapenov «Evrotrans Aktıv» JShS-nyń ıesi. 2020 jyly tirkelgen kompanııa jyljymaıtyn múlikti jalǵa berý (sýbarenda) qyzmetimen aınalysady. Sonymen qatar, ol 2021 jyly qurylǵan «TransKonteıner Evrazııa» JShS-nyń ıesi, ol tasymaldaý jáne ekspedıııa qyzmetterin usynady.
Eki kompanııa da Astanada tirkelgen.
Qapenovtiń Reseıde de bıznesi bar. 2023 jyly Máskeýde «Rýbıýs» atty kompanııa ashqan. Kompanııa qyzmeti tómendegi baǵyttardy qamtıdy:
- jyljymaıtyn múlikti jalǵa berý, basqarý jáne satý;
- ǵımarattar, temirjol jáne metro qurylysyn júrgizý;
- logıstıka;
- avtomobılder, qurylys jáne keńse tehnıkalaryn lızıngke berý.
RF zańdy tulǵalar biryńǵaı memlekettik tiziliminiń (EGRIýL) málimetteri boıynsha, kompanııany Qyrǵyzstan azamaty Meder Qapenov qurǵan. Bul derekti 2022 jyldyń mamyr aıynda jarııalanǵan Qyrǵyzstan prezıdentiniń azamattyq berý týraly jarlyǵy da rastaıdy.
2024 jyldyń qańtar aıynda Reseı 46 jastaǵy Azamat Qapenovke de izdeýge jarııalady. Onyń ne úshin kúdikti ekeni belgisiz.
Tamyz aıynda Qazaqstan da Azamat Qapenovti alaıaqtyqqa kúdikti dep, izdeý jarııalady. Antıkor onyń qaıda ekenin aıtqan adamǵa qomaqty syıaqy usyndy.
Azamat Qapenov – Qyrǵyzstan týmasy, Reseı azamaty. Ol 2015 jyly Kárim Másimovtiń úlken qyzy Tamılla Kárimge úılenip, kópshilikke tanylǵan.
