Reseıdegi teraktige qatysty sońǵy aqparattar:

Aldyn ala málimet boıynsha Crocus City Hall-daǵy teraktten kóz jumǵandar sany 62 adamǵa jetti. Qurbandar sany artýy múmkin, sebebi ǵımarat tolyǵymen tekserilmegen.

Qazaqstan syrtqy ister mınıstrligi Reseıdegi terakt kezinde kóz jumǵan nemese jaraqat alǵan qazaqstandyqtar týraly aqparat joq ekenin málimdedi.

Aldaǵy ýaqytta Vladımır Pýtın Crocus City Hall-da bolǵan teraktke qatysty Reseı halqyna úndeý jasaıdy.

Ýkraına qandy qyrǵynǵa qatysy joq ekenin habarlady. Bul týraly Vladımır Zelenskıı keńsesi basshysynyń keńesshisi Mıhaıl Podolıak óz Telegram-arnasynda aıtty.

Reseıdiń tótenshe jaǵdaılar mınıstrligi Crocus City Hall-daǵy órttiń oqshaýlanǵanyn habarlady. Buǵan deıin qyzyl jalyn 12,9 myń sharshy metrdi sharpyǵany aıtylǵan edi.