Bilim
Respýblıkalyq bıýdjet esebinen: Oqý-aǵartý mınıstrligi blogerlerden jarnama satyp almaq
Foto:istockphoto.com
Oqý-aǵartý mınıstrligi Qazaqstandaǵy jumysshy mamandyqtaryn jarnamalaý úshin blogerlerdiń qyzmetine júginbek. Bul týraly qandastar.kz Stan.kz aqparat agenttigine silteme jasap habarlaıdy.
Mınıstrlik jumysshy mamandyqtarynyń ımıdjin jaqsartý úshin Qazaqstandaǵy blogerler men mobılograftardy qoldanbaq. Olar Instagram, TikTok jáne Facebook jelilerinde «Jumysshy mamandyqtary jyly» jáne «Eńbek adamy» heshtegimen podkasttar men beınerolıkter jasaýǵa shaqyrylady.
Bul prezıdent Toqaevtyń 2025 jyldy «Jumysshy mamandyqtary jyly» dep jarııalaýymen baılanysty.
Oqý-aǵartý mınıstrligi 2025 jylǵy “jumysshy mamandyqtary jylyn” ótkizý jónindegi is-sharalar josparynyń jobasyn usyndy. «Ashyq NQA» portalynda «Jumysshy mamandyqtarynyń ımıdjin nasıhattaýdyń 10 qadamy» usynylǵan qujat jarııalandy.
«#Jumysshy mamandyqtar jyly» heshtegimen ekonomıkanyń túrli salalaryndaǵy jumysshylardyń tabystary týraly tanymal blogerlermen podkasttar túsirý. Ekonomıkanyń ártúrli salalaryndaǵy jumysshy kásipteri ókilderiniń jetistikteri týraly áńgimeleıtin tanymal blogerlerdiń qatysýymen podkasttar serııasy. «Instagram», «Facebook» jáne basqa da tanymal áleýmettik jelilerde «TikTok» formatynda jumys mamandyqtarynyń artyqshylyqtary men múmkindikterin ashatyn posttar, onlaın chelendjder men rolıkter daıyndaý”, – delingen qujatta.
Mınıstrliktiń málimetinshe, árbir shyǵarylym óz salasynda jetistikke jetken belgili bir adamnyń tarıhyna arnalǵan bolýy tıis.
“Blogerler men mobılograftar arasynda «Eńbek adamy» úzdik beınesi úshin konkýrs ótkizý. Rılstar (Reels) arqyly qysqa beıneler taratý arqyly jumysshy kadrlardyń oń ımıdjin qurý jáne áleýmettik jelilerde ilgeriletý”, – delingen qujat jobasynda.
Oqý-aǵartý mınıstrligi bul is-sharalardyń barlyǵyn respýblıkalyq jáne jergilikti bıýdjet qarajaty esebinen qarjylandyrýdy usynyp otyr. Naqty somalar áli belgisiz.
Eske salsaq, buǵan deıin Qazaqstandyq blogerler sońǵy 9 aıda 1,2 mıllıard teńge salyq tólegeni týraly jazǵan edik.
