جاڭالىقتار
«شارشاعانىن ايتىپ, دەمالۋعا كەتكەن»: اقمولا وبلىسىندا جەتىنشى بالاسىنا جۇكتى بولعان 34 جاستاعى كەلىنشەك قايتىس بولدى
فوتو: freepik
اقمولا وبلىسىنىڭ بەستوبە اۋىلىندا جەتىنشى بالاسىنا جۇكتى بولعان 34 جاستاعى كەلىنشەك جەدەل جاردەم كەلگەنشە قايتىس بولدى. بۇل تۋرالى Stan.kz اقپارات اگەنتتىگى حابارلايدى.
قايعىلى وقيعا 18 قازان كۇنى كەشكە بولعان. ايەل ۇيدە وتباسىمەن بىرگە بولعان. كەشكى ۋاقىتتا ءوزىن ناشار سەزىنىپ, شارشاعانىن ايتىپ, دەمالۋعا بەل بۋعان. دەگەنمەن تۋىستارى ونى ولى كۇيىندە تاپقان. كەلىنشەك جۇكتىلىكتىڭ 34 اپتاسىندا جۇرگەن.
جەدەل جاردەم دارىگەرلەرى اقمولالىق ايەلدىڭ ولار كەلگەنشە قايتىس بولعانىن راستادى. ءولىمنىڭ الدىن الا سەبەبى – جەدەل جۇرەك جەتىسپەۋشىلىگى. زورلىق-زومبىلىقتىڭ ءىزى تابىلمادى.
پوليتسەيلەر بەستوبە تۇرعىنىنىڭ ولىمىنە قاتىستى سوتقا دەيىنگى تەرگەۋ باستالعانىن, ساراپتامالار مەن تەرگەۋ امالدارى جۇرگىزىلىپ جاتقانىن حابارلادى. قىلمىستىق كودەكستىڭ بابىنا سايكەس, وزگە مالىمەتتەر جاريا ەتۋگە جاتپايدى.
ايتا كەتەيىك, بۇعان دەيىن شىعىس قازاقستان وبلىسى كاتونقاراعاي اۋدانىنىڭ پروكۋراتۋراسى جۇكتىلىك تۋرالى جالعان انىقتامانى قولدان جاساۋ فاكتىسىن انىقتاعان ەدى.
