Sherzat ólimi: sottalǵandardyń biri bostandyqqa shyǵyp ketti

Shekeev Sherzat isi boıynsha sottalýshylardyń biri bostandyqqa shyqqanyn málimdedi, dep habarlaıdy Qandastar.kz Skifnews.kz aqparat portalyna silteme jasap. 

Meıirman Shekeevtiń sózinshe, Sherzat isi boıynsha apellıaııalyq sot 18 tamyzda saǵat 11:00-de Almaty oblysy sotynyń ǵımaratynda ótedi.

— Sonymen qatar, Dýman Ysqaq birinshi satydaǵy úkimdegi jazany ótep qoıǵandyqtan Almaty oblystyq sotynyń qylmystyq ister jónindegi sot alqasynyń sýdıasy Musabekovanyń 2025 jylǵy 23 shildedegi sot qaýlysymen bultartpaý sharasy joıylyp, qamaýdan bosatyldy, – deıdi Shekeev. 

Bir top qylmyskerlerdiń qolynan úıiniń aldynda mert bolǵan Sherzattyń isine 5 maýsymda núkte qoıylǵan edi. Talǵarlyq bandylardyń áreketi qoǵamda úlken daý týǵyzdy. Jarty jylǵa sozylǵan daý-damaıdan keıin kináliler uzaq jyldarǵa sottaldy. Sotta tórelik etken sýdıa Erjan Januzaqovtyń úkimimen:

Abzal Shynasyl 23 jylǵa sottaldy. 

Ravıl Sakıev 20 jyl, 

Shyńǵys Belǵojaev 7 jyl,

Darhan Áskentaı 7 jyl, 

Nurqııas Ilııasov 9 jyl (burynǵy 2,5 jylǵa shekteý jazasyn qosqanda); 

Nurbol Toqtaýbaev 7 jyl, 

Azamat Toqtaýbaev 15 jyl (burynǵy jazasyn birge qosqanda), 

Dıdar Qalıahmet 7 jylǵa,

Kámelettik jasqa tolmaǵan Dýman Ysqaq qylmystyq kodekstiń  434-bap (aýyr qylmys jasalǵanyn habarlamaý) 1,5 jylǵa sottaldy.

Onyń ızolıatordaǵy bir kúni eki kún retinde esepteletin boldy.