Sherzattyń ákesi: Ádildik joq, Qazaqstannan kóshemiz

Foto: ashyq derekkóz

ZTB news arnasynda Talǵardaǵy tragedııaǵa qatysty jurtty dúr silkindirgen vıdeo jarııalandy. 23 mınýttyq vıdeonyń tergeý múddesine saı tolyq jarııalanbaǵany aıtylady. Alaıda marqum Sherzattyń ákesiniń qolynda sýyq qarý bar tus taspaǵa tutas iligipti.

Sherzattyń ákesi Qarjaýbaı Nurymov  taraǵan vıdeoǵa ótkir reakııa bildirdi, dep habarlaıdy qandastar.kz jýrnalıst Samal Ibraevanyń jazbasyna silteme jasap.

“Bárin kórip otyrmyn. Ádiletti sheshim kútkem. Ádeıi taratyp otyr vıdeony. Qandaı jaǵdaı bolsa da aıtaıyn. Men qan tóksem, meni qaralaýǵa bolady. Men qan tókken joqpyn. Meniń balamdy anasynyń kózinshe óltirip otyr. Odan basqa ne dálel kerek olarǵa? Otbasymdy qalaı qorǵaýym kerek sonda?

Olar birinshi pyshaqpen keldi ǵoı, men sonda rýchkamen shyǵýym kerek pe? Jatyp alyp taıaq jeýim kerek pe? Endi men ádildik bolady degenge senbeımin. Balamnan aıyrylyp, úıimnen aıyrylyp otyrǵanda, endi kelip osylaı jasap jatyr. Amal tek otbasymdy aman-esen alyp shyǵyp ketýim kerek. Qazaqstannan kóshemiz”, – degen Sherzattyń ákesi “Ulysmedia”-ǵa jaýabynda.

Aıta keteıik, 4 qazanda Talǵarda 16 jastaǵy jasóspirimdi óltirdi. Sherzat Polat dúkende ákesine kómektesip júrgende satyp alýshynyń bireýi syra úshin aqsha tóleýden bas tartqan. Sodan janjal shyǵyp, eki jaq sózge kelispeı qaldy. Oqıǵa ornyna bir top adam kelip, jasóspirimdi ǵana emes, onyń ákesi men aǵasyn soqqyǵa jyqty. О́kinishke qaraı Sherzat Bolat pyshaq jaraqatynan kóz jumdy.

Jasóspirimdi óltirgen kúdiktilerdiń osyǵan deıin de sottalǵandary belgili boldy. Munań soń jábirlenýshi taraptyń úıi órtenip, baspanasyz qaldy.

Kópshilik bul qylmysqa “Hýtor bandasynyń”, atap aıtqanda Hasan Qasymbaevtyń qatysy baryn jarysa aıtty. Biraq búgin Orda.kz jýrnalıstine bandanyń jetekshisi atanǵan Hasan suhbat berdi. Ol Talǵardaǵy jaǵdaıǵa eshqandaı qatysy joq ekenin alǵa tartyp otyr.

«Rýym – Alban. Almaty oblysy Kegen aýylynda 1984 jyly dúnıege keldim. Ákemniń jumystarymen Talǵar aýdany Rysqulov aýylyna kóship keldim. Osy aýylda 11-synypty bitirdim. Ál-Farabı atyndaǵy QazUÝ-da hımııa fakýltetinde oqydym. Keıin Qyzylorda oblysyna jumysqa bardym. 2011 jyly qaıta Talǵarǵa keldim. Sodan beri kásippen aınalysamyn”, – dedi ol.

Hasan ózine taǵylǵan aıypty joqqa shyǵardy. Tipti, qazir ol aýylda turmaıtynyn aıtqan.

“Men álgi kúnge deıin túsinbeımin, nege olaı dep jatqanyn. Sebebi men adal jumys istep júrgen adammyn. Adamdar jalǵyz meni ǵana emes, baýyrlarymdy da qaralap jatyr. Týǵan aǵam Aslan Qasymbaev ákim apparatynda jumys isteıdi. Polıııada, prokýratýrada týystarym joq. Erjan degen inim 2017 jyldan beri jazasyn ótep jatyr. Ol 14 jylǵa bas bostandyǵynan aıyrylǵan. Ol taqyryp men úshin aýyr, ony qozǵamaı aq qoıyńyz”, – degen Hasan.

Buǵan deıin BAQ-ta aýyl turǵyndary Hasandy  “Hasan baýyrymyz osy aýyldyń birligine, tirligine shapqylaıdy “ dep aqtaǵany jarııalandy.