شەتەلدە تەگىن ءبىلىم الۋدىڭ قانداي مۇمكىندىكتەرى بار

“بولاشاق” باعدارلاماسىنان بولەك, قازاقستاندىقتاردىڭ شەتەلدە تەگىن ءبىلىم الۋىنا مۇمكىندىكتەر جاسالعان. قانداي ەلدەر قازاقستان جاستارىنا گرانت بولەدى, قاي ۋاقىتتا كونكۋرس باستالادى جانە قانداي تالاپتارى بار? حالىقارالىق باعدارلامالار ورتالىعىنىڭ ۆيتسە-پرەزيدەنتى جاۋاپ بەردى.

بۇل تۋرالى  “حابار” ارناسىنىڭ ء“بىلۋ ماڭىزدى” حابارىندا حالىقارالىق باعدارلامالار ورتالىعىنىڭ ۆيتسە-پرەزيدەنتى زۋلفيا تورەبەكوۆا جاۋاپ بەردى, دەپ حابارلايدى Stan.kz.

قازاقستاندا “بولاشاق” باعدارلاماسىنان بولەك شەتەلدە تەگىن ءبىلىم الۋعا كومەكتەسەتىن مۇمكىندىكتەر بار. جىل سايىن شەتەلدىڭ 15 ۋنيۆەرسيتەتى ارنايى گرانتتار ءبولىپ وتىرادى.

ەڭ كوپ گرانت بولەتىن ەلدەر قاتارىندا: ماجارستان -210 گرانت, رەسەي – 400-500 گرانت, قىتاي – 100 گرانت, پولشا, ليتۆا, بەلارۋسسيا جانە ورتا ازياداعى كورشىلەس مەمەلەكەتتەر.

“بولاشاق” باعدارلاماسىنداعى وزگەرىستەر

وسى ۋاقىتقا دەيىن “بولاشاق” ستيپەندياسىمەن الەمنىڭ 35 ەلىندەگى 175 ۋنيۆەرسيتەتتە 12 مىڭ 500 قازاقستاندىق ءبىلىم العان. قازىرگى ۋاقىتتا 1258 ستيپەنديات ءبىلىم الىپ جاتىر.

ينجينەر-تەحنيكالىق ماماندىقتار ءۇشىن IELTS دەڭگەيى – 5,0. باسقا ساناتتاعى ماماندىقتار ءۇشىن – 5,5.

“بولاشاق” باعدارلاماسىنىن تىس شەتەلدىك ۋنيۆەرسيتەتكە وقۋعا تۇسكەن ازاماتتار دا مەملەكەتتىك باعدارلاما ارقىلى تەگىن وقۋعا ءوتىنىش تاستاي الادى. بيىلعى وزگەرىستەر بويىنشا, شەتەل جوو-نا ءوز بەتىمەن تۇسكەن ازاماتتارعا ديپلومىنىڭ ورتاشا بالىنا قويىلاتىن تالاپ – GPA – 3,3-تەن 3,0- گە ءتۇستى.

2017 جىلدىڭ 7 جەلتوقسانىندا رەسپۋبليكالىق كوميسسيانىڭ شەشىمىمەن “بولاشاق” باعدارلاماسىنىڭ 2028 جىلعا دەيىنگى دامۋ جوسپارى قابىلداندى. وسى جوسپاردا ەڭبەكپەن وتەۋگە بايلانىستى ءبىراز وزگەرىستەر ەندى. ءبىلىم سالاسىندا وڭىرلەردە, اۋدان, اۋىلدىق جەرلەردە جۇمىس ىستەۋ مەرزىمى – 2 جىل, وبلىس ورتالىعىندا – 3 جىل, استانا, الماتى قالالارىندا  – 5 جىل,

“بولاشاق” باعدارلاماسىنان تىس شەتەلدە ءبىلىم الۋ تۋرالى

جىل سايىن ورتالىق ارقىلى وقۋعا جىبەرىلەتىن ۋنيۆەرسيتەتتەر ءتىزىمى قۇرىلادى. بىلتىر جالپى كورسەتكىش بويىنشا الەمنىڭ توپ-70 جانە پاندىك كورسەتكىش بويىنشا توپ-20 ۋنيۆەرسيتەت ءتىزىمى قۇرىلادى. ال, بيىل سول تىزىمگە ءبىراز وزگەرىس ەندى. اقش, ۇلىبريتانيا, گەرمانيا جانە فرانتسيا ەلدەرىنىڭ پاندىك رەيتينگىندەگى توپ-10 ۇزدىك ۋنيۆەرسيتەت تاڭدالىپ, قوسىلدى.

قازاقستاندىقتارعا گەرمانيا, فرانتسيا, نورۆەگيا, نيدەرلانديا ەلدەرىندە تەگىن جوعارى ءبىلىم الۋ قاراستىرىلعان.

جىل سايىن گەرمانيانىڭ DAD,  فرانتسيانىڭ Campus France ۇيىمى, تۇركيا, ۆەنگريا ەلدەرىنىن ستيپەنديالىق باعدارلامالارى قازاقستاندىق ازاماتتارعا گرانت ءبولىپ كەلەدى.

قازىرگى ۋاقىتتا ۆەنگريادا وقۋعا قۇجات قابىلدااۋ باستالدى.

ەگەر ازامات قازاقستاندىق جوو-دا وقىپ جاتىپ, شەتەلدىك ۋنيۆەرسيتەتتە وقىعىسى كەلسە اعىمداعى سەمەستردەگى وقۋ ۇلگەرىمى ارقىلى كونكۋرسقا قاتىسا الادى. ونىڭ قازاقستاندىق جوو-داعى مەملەكەتتىك گرانتىنىڭ ساقتالۋىنا كەپىلدىك بەرىلمەيدى. قۇجاتتاردى حالىقارالىق باعدارلمالار ورتالىعى قابىلدايدى.

ءتىل بىلەتىن ازامات كونكۋرستا باسىمدىققا يە بولۋى مۇمكىن, دەگەنمەن مىندەتتى ەمەس. مىسالى,  ۆەنگريادا وقيمىن دەگەن ازامات ۆەنگر ءتىلىن ءبىلۋى مىندەتتى ەمەس, ءدال سولاي قىتايدا وقىعىسى كەلەتىندەرگە قىتاي ءتىلىن ءبىلۋ مىندەتتى ەمەس. شەتەلدە وقۋعا تۇسكەندەرگە 1 جىل تىلدىك دايىندىق كۋرستار بولادى.

ءوتىنىش تاستاۋشى باكالاۆر, ماگيستراتۋرا جانە دوكتارانتۋرادا وقي الادى.

وقۋ بىتكەننەن 2 اپتادان كەيىن ازامات ەلگە قايتۋ كەرەك. شەتەلدەك گرانتتا وقۋ بىتىرگەن ازامات قازاقستاندا ەڭبەكپەن وتەۋى شارت. بيىلعى وزگەرىستەر بويىنشا, وڭىرلەردە -3 جىل, ال, استانا, الماتى قالاسىندا– 5 جىل مەرزىم جۇمىس ىستەۋ مىندەتتەلدى.

حالىقارالىق باعدارلامالار ورتالىعى “الەم ءبىلىم” – ءبىرتۇتاس اقپاراتتىق ءبىلىم بەرۋ رەسۋرسىن ىسكە قوسقان.

ايتا كەتەيىك, 20-25 قاڭتار ارالىعىندا استانا, الماتى, شىمكەنت قالالارىندا حالىقارالىق ءبىلىم كورمەسى وتەدى. وندا شەتەلدە ءبىلىم الۋدىڭ مۇمكىندىكتەرى تۋرالى ايتىلادى.

حالىقارالىق باعدارلامالار ورتالىعى – تەگىن وقۋ مۇمكىندىكتەرى, ستيپەنديالار تۋرالى اقپاراتتى قازاقستانعا تاراتۋشى نەگىزگى ورتالىق. ءبىلىم سالاسىنداعى حالىقارالىق ءبىلىم بەرۋ  باعدارلامالاردىڭ ءبارىن وسى ورتالىققا حابارلاسۋ ارقىلى نەمەسە سايتىنان بىلۋگە بولادى.

شەتەلدە ءبىلىم الۋ مۇمكىندىكتەرى: 8 7172 553 710.