«Shyǵyn – 90 mln»: Sheneýnik qurylysy aıaqtalmaǵan úılerdi qabyldaǵan

Kókshetaý prokýrorlary halyqtyń áleýmettik osal toptaryna arnalǵan kóp páterli turǵyn úılerdi jalǵan paıdalanýǵa berý faktisin anyqtady, dep habarlaıdy Qandastar.kz saıty turkystan.kz-ke silteme jasap.

2023 jyly Kókshetaý qalasynyń Qurylys bóliminiń burynǵy basshysy qarajat aýdarý arqyly qurylysy aıaqtalmaǵan kóp páterli eki turǵyn úıdi (140 páter) paıdalanýǵa qabyldaý aktisine qol qoıǵan.

Onyń zańsyz áreketiniń saldarynan memleketke 90 mln teńgeden astam shyǵyn kelgen.

Atalǵan fakti boıynsha qala prokýratýrasy «Laýazymdy adam óziniń qyzmet babyn paıdalana otyryp jasaǵan, senip tapsyrylǵan bóten múlikti asa iri mólsherde ıemdenip alý nemese talan-tarajǵa salý, ıaǵnı jymqyrý» baby boıynsha sotqa deıingi tergep-tekserýdi bastady.