Shymkent qalasynda birneshe mekeme janar-jaǵarmaıdy joǵary baǵada satyp almaqshy bolǵan

Elimizdegi sońǵy jaǵdaılardan keıin 06.01.2022 j. Qazaqstan RespýblıkasyEnergetıka mınıstrligi janar-jaǵar maıdyń shekti baǵasyn belgilegen bolatyn.

Atap aıtsaq, janar-jaǵar maıdyń “AI-92” jáne “AI-93” markalary úshin lıtrine 182 teńge, “AI-95” markasy úshin ár lıtrine 215 teńge belgilendi.

Alaıda, Shymkent qalasy Densaýlyq saqtaý basqarmasyna qarasty “Qalalyq juqpaly aýrýlar aýrýhanasy” MKQK men “M. Áýezov atyndaǵy Ońtústik Qazaqstan Ýnıversıteti” KeAQ  joǵaryda atalǵan zań talaptaryn eskermeı, memlekettik satyp alý jarııalaǵan.

Atalǵan zań buzýshylyqty “Ádildik joly” RQB Shymkent qalasyndaǵy fılıaly sybaılas jemqorlyq monıtorıngi barysynda anyqtaǵan.

— M.Áýezov atyndaǵy Ońtústik Qazaqstan Ýnıversıteti AI-92 markaly benzınniń lıtrine 210 teńge, AI-95 markaly benzınniń lıtrine 235 teńge belgilep, jalpy somasy 14 324 900  teńgege habarlama jarııalasa, Shymkent qalasynyń juqpaly aýrýlar aýrýhanasy AI-92 markaly benzın úshin 185 teńge belgilep, 3 829 500 teńgege satyp alýdy josparlaǵan. Osylaısha memlekettik satyp alý boıynsha habarlama jarııalar kezde zań normalary óreskel buzylǵan.

Bizdiń tarapymyzdan anyqtalǵan zań buzýshylyq týraly QR Básekelestikti qorǵaý jáne damytý agenttiginiń Shymkent qalasy boıynsha departamentine hat joldanǵan bolatyn. Búgingi tańda zań buzýshylyqtar rastalyp, memlekettik satyp alý boıynsha jasalǵan sharttardyń kúshi joıylǵany jaýap alyp otyrmyz, — dedi óz sózinde “Ádildik joly” RQB Shymkent qalasyndaǵy fılıalynyń basshysy Aıjan Kesebaeva.

Sondaı-aq, qoǵam ókili atalǵan birlestia tarapynan  memlekettik satyp alý portalynda satyp alýlarǵa únemi baqylaý jasap otyratyndaryn aıtty.