جاڭالىقتار
Socieux+ ساراپتاما ورتالىعى قازاقستاندا الەۋمەتتىك جوبالاردى جۇزەگە اسىرادى
ەۋرووداقتىڭ حالىقتى جۇمىسپەن قامتۋ جانە ەڭبەكتى قورعاۋ ماسەلەلەرى جونىندەگى Socieux+ ساراپتاما ورتالىعى قازاقستانمەن الەۋمەتتىك جوبالاردى جۇزەگە اسىرۋدى جالعاستىرماق.
Socieux+ ماماندارى الماتى مەن استاناداعى ۇكىمەتتىك ەمەس ۇيىمدارعا الەۋمەتتىك جوبالاردى مونيتورينگ جاساۋ, باعالاۋ جۇيەسىن جەتىلدىرۋ بويىنشا كەڭەس بەرگەن. سونداي-اق, اتا-انا قامقورلىعىنان ايىرىلعان بالالاردى پاتروناتتىق تاربيەلەۋ جۇيەسىن قۇرۋعا قاتىستى تاجىريبەسىمەن بولىسكەن.
«SOCIEUX + سوڭعى جىلدارى قازاقستاندىق ۇيىمدارمەن, ونىڭ ىشىندە بالا قۇقىقتارى جونىندەگى ۋاكىل ينستيتۋتىمەن, ازاماتتىق باستامالاردى قولداۋ ورتالىعىمەن, ەڭبەك رەسۋرستارىن دامىتۋ ورتالىعىمەن, استانا قالاسىنىڭ جۇمىسپەن قامتۋ جانە الەۋمەتتىك قورعاۋ دەپارتامەنتىمەن, سونداي-اق ەكونوميكالىق زەرتتەۋلەر ينستيتۋتىمەن ىنتىماقتاستىقتا جەمىستى ناتيجەلەرگە قول جەتكىزدى. قازىرگى كەزدە بۇل ورتالىق قازاقستاندا الەۋمەتتىك قورعاۋدى, ەڭبەكتى قورعاۋدى جانە حالىقتى جۇمىسپەن قامتۋدى جاقسارتۋ سالاسىندا 5 جوبانى ءساتتى اياقتادى», — دەپ اتاپ ءوتتى قر بەلگياداعى توتەنشە جانە وكىلەتتى ەلشىسى مارعۇلان بايمۇحان.
