Stambulda RAMS Qazaqstan qoldaýymen Dımash Qudaıbergenniń mereıtoılyq konerti ótti

Konert bastalǵanǵa birneshe saǵat qalǵanda kórermen konert ótetin orynǵa – Beshiktash aýdanyndaǵy «Tıýprash» stadıonyna jınala bastady.

Stadıonnyń syıymdylyǵy – shamamen 42 myń oryn. Saýdagerler Dımashtyń aty jazylǵan jolaqtar, onyń sýreti beınelengen jeıdeler, fotosýretter jáne basqa da sývenırler satqanyn baıqadyq. Qazaqstandyq tyńdarman birden kózge tústi – olardyń keıbireýi konertke eliniń týyn alyp kelgen eken. Dımash Qudaıbergen ónerin kópshilik súıip tyńdaıtyn ándermen bastady. Ánder qazaq, aǵylshyn, túrik jáne qytaı tilderinde shyrqaldy. Kesh qonaqtarynyń arasynda qazaqstandyqtar men jergilikti turǵyndar ǵana emes, sonymen qatar Germanııa, Argentına, Italııa, Ulybrıtanııa jáne basqa elderden kelgen tyńdarman boldy.

Italııalyq tyńdarmandarynyń biri Dımashtyń ónerin kórý úshin arnaıy Stambulǵa kelgenin aıtyp berdi. Qyz Dımashtyń qaı tilde oryndaǵanyna qaramastan, barlyq ánin birge oryndap shyqty. Erekshe tosynsyı retinde Dımashty 30 jasqa tolýymen quttyqtaý boldy – sahnaǵa onyń ustazy Marat Áıtimov jáne is-sharanyń demeýshisi ári uıymdastyrýshysy RAMS Qazaqstan qurylys kompanııasynyń negizin qalaýshynyń qyzy shyqty. Qalyń kórermenen birge olar dástúrli Happy Birthday ánin shyrqady.