Sý tasqyny: 37 myń adam úıine oraldy

О́zenniń sý deńgeıi men jaıylmalaryna jiti monıtorıng júrgiziledi. Jaǵalaýdyń qaýipti ýchaskelerinde bógetter nyǵaıtyldy. El boıynsha tabıǵı apat kezinde evakýaııalanǵan adamdardyń 37 myńnan astamy úılerine qaıta oraldy.

Avarııalyq-qutqarý jumystaryna qazir 21 myń adam, 2 myń tehnıka men 8 áýe kemesi jumyldyrylǵan. Asqar Shárip, QR TJM ókili: — 1,5 mln tonnadan astam ınertti materıal tóselgen. О́ńirlerde respýblıkalyq jáne oblystyq jedel shtabtar óz jumysyn jalǵastyryp jatyr. Jalpy azamattyq qorǵaý qyzmetkerlerimen Atyraý, Aqtóbe, Aqmola, Batys jáne Soltústik Qazaqstan oblystarynda sý tasqynyna qarsy sharalar, sý tasqyny saldaryn joıý jáne halyqqa kómek kórsetý jumystary qarqyndy túrde júrgizilip jatyr.