Tanymal jýrnalıst Nazarbaevtyń eks-qudasyna eskertkish qoıýdy usyndy

Foto: Prosport.kz

Jýrnalıst jáne fýtbol sarapshysy Aıdyn Qojahmet qyzyq málimdeme jasady. Ol Qaırat Boranbaevtyń qazaqstandyq fýtboldy damytýǵa qosqan úlesin joǵary baǵalap, oǵan eskertkish qoıý keregin aıtty, dep habarlaıdy qandastar.kz Offside.kz-ke siltep.

«Eger saıası jáne basqa da qyrlaryn alyp tastap, tek fýtbol týraly aıtatyn bolsaq, onyń sińirgen eńbekteri úshin men qazir-aq oǵan kózi tirisinde eskertkish qoıýǵa daýys berer edim. Qazaqstan fýtbolyna mundaı úles qosqan eshkim joq», – deıdi Qojahmet.

Qojahmet Boranbaevtyń «Qaırat» fýtbol klýbynda qurǵan ınfraqurylym deńgeıin erekshe atap ótti. Onyń aıtýynsha, klýb bazasy men «Qaırat» akademııasy ózge klýbtar úshin úlgi bola alady.

«Men «Qaırat» bazasynda eki aı turdym. Bul – fantastıka! Eýropada mundaı sýper jabdyqtalǵan bazalar óte az. «Qaırat» akademııasy – erekshe dúnıe. Endi nátıjelerine qarańyz: Dostan Satpaev «Chelsıge» aýysty, Nuraly Álip «Zenıtte» oınap júr. Bulardyń barlyǵy – Akademııa túlekteri», – dedi ol.

Qojahmet, sonymen qatar, Boranbaevtyń klýbtyń turaqty qarjylyq modelin qurýdaǵy jetistikteri baryn aıtty.

Qojahmettiń pikirinshe, Boranbaevtyń tájirıbesi men qurǵan qurylymy basqa qazaqstandyq klýbtarǵa úlgi bolýy kerek, sebebi «Qaırat» eldegi ózdiginen jumys isteı alatyn jalǵyz klýb bolyp qalyp otyr.

Aıta keteıik, 2023 jyly Qaırat Boranbaev asa iri mólsherde memleket qarajatyn urlady jáne qylmystyq kiristerdi zańdastyrdy degen kúdikpen ustaldy. Tergeý derekteri boıynsha, 2019 jyly ol óz ıeligindegi «AzııaGaz Shonjy» JShS arqyly gaz jetkizý kezinde QazaqGaz ulttyq kompanııasynyń qarajatyn jymqyrdy, keıinnen urlanǵan 14,5 mlrd teńge mólsherindegi qarajat zańdy kásipkerlik qyzmetten alynǵan qusap dıvıdendterdi bólý jáne tóleý túrinde zańdastyrylǵan.

«Tergeý barysynda keltirilgen zalal tolyq kólemde óteldi», delingen QMA habarlamasynda.

Agenttik zańsyz kirister esebinen satyp alynǵan sheteldik aktıvterdi belgileý jáne buǵattaý jumystaryn júrgizip jatqany da aıtyldy.

Keıinnen ol kóptegen aktıvin memleketke qaıtara bastady.

Mysaly byltyr qarashada Qaırat Boranbaevpen baılanysty Qaraǵandydaǵy farmaevtıkalyq zaýyt bıýdjetke 105 mıllıon teńgeni qaıtardy. Bul aqsha buryn «Spýtnık V» vakınasynyń paıdalanylmaǵan dozalary úshin bólingen