TASQYNǴA TOSQAÝYL: PREZIDENT ZARDAP ShEKKENDERMEN KEZDESTI

Memleket sý tasqynynan zardap shekkenderdiń shyǵynan óteýge kómektesedi. Jaǵdaıdy jeke baǵamdaý úshin Batys Qazaqstan oblysyna barǵan Prezıdent turǵyndarmen kezdesip, qarjylyq qoldaý bolatynyn aıtty.

Sondaı-aq óńirdegi jaǵdaıdyń ýshyǵyp ketýi múmkin ekenine toqtalyp, jeke shtab otyrysyn ótkizdi. Qasym-Jomart Toqaevtyń aıtýynsha, mundaı kólemdi tasqyn buryn-sońdy bolmaǵan.

1994 jyly osyǵan uqsas jaǵdaı bolypty, alaıda qazirgi sý tasqyny odan áldeqaıda aýqymdy. Aımaqtaǵy ahýal qalaı? Turǵyndar Prezıdentke neni baıandady? Prezıdent borty Oral áýejaıyna qona salysymen Qasym-Jomart Toqaev tikushaqqa bettedi.

Aımaqtaǵy ahýaldy ýaqyt joǵaltpaı barlap, baǵamdaǵysy kelse kerek. Sebebi qarǵyn sýdan keler qaýip seıilmeı tur. Aýyldy shaımaq túgili úılerdi qıratyp, kópirlerdi buzyp jatyr «Qyzyl sý bir mezette qapy qaldyrdy». Kýágerler osylaı dep,

aman qalǵanyna táýbe etedi. Qaratóbe aýdany tabıǵat apatyna ótken aptada tap boldy. Jergilikti turǵyndar qaýipsiz jerge qaıyq nemese tikushaqtyń kómegimen jetkizildi.

Qýanyshqalı Qaıreken, Aqqozy aýylynyń turǵyny: — Sý 27-si kúni saǵat 10-darda qatty keldi. Qatty kelip, úıdi sý shaıdy. Ishine kádimgi. 40 santımetr úıdiń ishine sý kirdi. Bala-shaǵa, nemeremizdi terezeden alyp shyqtyq. Mashınanyń ishinde balalardy ustap otyrdyq, qaıyq kelgen.

Keıin qaıyq kelip, mektepke jınady. Bárimizdi. Tońazytqysh, bári sýǵa ketti ishindegi. Tósekter de sýǵa. Pesh qulap, qara kúıe basyp ketken úıdiń ústin. Eki pesh qulady. Bekzat Amanov, tilshi: — Osy Qaldyqaıty ózeniniń eki jaǵyn 22 aýyl jaǵalaı qonystanǵan. Munda ádette jazda sý taıaz, jaıaý keship ótýge bolady. Al qysta sýdyń arnasy tolady. Alaıda bıyl jaǵdaı tym kúrdeli. Osydan birneshe kún buryn ǵana tasqynǵa tótep bere almaı,

artymda turǵan ótken qırady. Osylaısha, jaǵanyń arǵy betindegi 8 aýylmen baılanys úzildi. Qazir ol jaqtaǵy turǵyndarǵa tek tikushaqpen ǵana kómek kórsetilip jatyr. Raýan Qashqynbaev, oblystyq TJD №2 mamandandyrylǵan órt sóndirý bólimi bastyǵynyń orynbasary: — Adamdardy ótkizemiz, kerek-jaraq, tamaqtary bar. Onyń ishinde janar-jaǵarmaı bar, dári-dármek bar. 2-si kúni tańnan bastap 200-den astam eresek adam men 35 kishkentaı balalar ótkizildi.

Al úıi qırap, dalada qalǵan 182 turǵyn aýdan ortalyǵyndaǵy evakýaııalyq ortalyqqa ornalasty. Olar: «mundaǵy jaǵdaıda qaryn toq, kóılek kók», – deıdi. Dese de bolǵan jaǵdaıǵa qynjylady. Bıbigúl Raıymova, Qorjyn aýylynyń turǵyny: — Úıimiz qulap jatyr bári. Endi artynyń qaıyrymen. Qýanyshtymyz, basshylar kelip, jan-jaqtan kisiler kelip kómektesip jatyr. Myń alǵys aıtamyz. Osy jerge ákelip, eger túnde tasysa, sýdyń astynda qalamyz. 1 adam shyǵa almaı qalamyz. Bizde baspana ǵoı endi. Esińe túskende óz úıiń óz tósegiń degendeı. О́ńir boıynsha kóshirilgen turǵynnyń sany 7 myńǵa jýyq.

Basym bóligi baspanasyn bazynalap júr. Qamkóńil bolǵan qalyń qarasha búgin talap-tilegin Prezıdentke jeke aıtty. Qasym-Jomart Toqaev shyǵyndy óteý úshin memleket barlyq sharany qabyldaıtynyn aıtty. Qasym-Jomart Toqaev, Qazaqstan Respýblıkasynyń Prezıdenti: — Hal-jaǵdaılaryńyzdy bilý úshin arnaıy kelip otyrmyn. Bul – buryn-sońdy bolmaǵan úlken tabıǵı apat. Sondyqtan bárimiz bir el, bir halyq bolyp áreket etýimiz kerek. Memleket, Úkimet barshańyzǵa qol ushyn beredi. Materıaldyq, qarjylyq kómek kórsetedi. Oǵan esh alańdamańyzdar. Bári durys bolady. Turǵyndar Memleket basshysyna jaǵdaıdyń jaı-japsaryn búkpesiz baıandap berdi.