«Tazamyz, altyn bizde qalady»: О́zbekstan dopıng daýyna baılanysty málimdeme jasady

О́zbekstan boks federaııasy Halyqaralyq testileý agenttiginiń (ITA) ózbek boksshysy, 2024 jylǵy Olımpıada chempıony Lazızbek Mýllajonovtyń dopıng synamasynan tyıym salynǵan zat tabyldy degen sheshimimen kelispeıtinin málimdedi, dep habarlaıdy Qandastar.kz

Federaııanyń aıtýynsha, sportshynyń aǵzasynan tabylǵan zat onyń 2024 jyldyń qarashasynda shash transplantaııasyna baılanysty alǵan em-dom sharalarynan bolýy múmkin.

«Lazızbek Mýllajonov sporttyq mansabynda dopıngke qatysty barlyq erejelerdi qatań saqtap kelgen. Buǵan deıin tapsyrǵan dopıng synamalary taza boldy. 19 qarashada ol Ferǵana qalasynda shash ektirip, em-dom qabyldaǵan. Sol kezeńde qoldanylǵan keıbir preparattardyń quramynda tyıym salynǵan zat bolýy yqtımal», –  delingen resmı málimdemede.

Federaııa Halyqaralyq testileý agenttigine barlyq qajetti qujattardy tapsyrǵanyn aıtyp, qazir sportshynyń taǵdyry boıynsha resmı sheshimdi kútýde.

Sondaı-aq, uıym Lazızbek Mýllajonovtyń Olımpıadadaǵy altyn medali tartyp alynady degen aqparatty joqqa shyǵardy.

«Bul jaǵdaı Parıj Olımpıadasynyń nátıjesine esh áser etpeıdi. Altyn medal sportshyda qalady», — dep jazdy О́zbekstan boks federaııasy Instagram paraqshasynda.