«تەرگەۋگە اسەر ەتكەن جوقپىن»: سەنات دەپۋتاتى اتىشۋلى حاساننىڭ اعاسى بولىپ شىقتى

فوتو: Massaget.kz

الماتى وبلىسىنان سايلانعان سەنات دەپۋتاتى مۇحتار جورگەنباەۆ جاقىندا قاماۋعا الىنعان حاسان قاسىمباەۆپەن تۋىس ەكەنىن راستادى, دەپ حابارلايدى qandastar.kz

بۇعان دەيىن باق بەتتەرىندە دەپۋتات قاسىمباەۆتىڭ تۋىسى دەگەن اقپارات تاراعان بولاتىن.

ء«يا, مەن الەۋمەتتىك جەلىدەگى جازبالاردى كوردىم. ول اقپاراتقا سەنسەك مەن قاسىمباەۆتارعا قاتىستى تالعاردا بولعان جاعدايعا اسەر ەتىپپىن.

اسلان قاسىمباەۆتىڭ قىزمەتىنە قاتىستى ەشكىمگە ەشقانداي ءوتىنىش ايتپاعانىمدى رەسمي تۇردە مالىمدەيمىن. ونىڭ ۇستىنە حاسان قاسىمباەۆقا قاتىستى ءجۇرىپ جاتقان تەرگەۋگە دە ەشقانداي اسەر ەتكەن جوقپىن», – دەيدى جورگەنباەۆ.

Skifnews.kz اقپارات اگەنتتىگىندە جازىلعانداي,  دەپۋتات قاسىمباەۆپەن الىس تۋىس ەكەنىن ايتتى.

«تۋىس ەكەنىمىزگە قاتىستى: ءيا, ول مەنىڭ الىس تۋىسىم ەكەنىن راستايمىن. قازاقتا تۋىس كوپ قوي. بىراق ۇنەمى بايلانىستا جۇردىك دەپ ايتا المايمىن. ارى كەتسە تويلاردا نەمەسە تۋىستار جينالىپ قالاتىن جەرلەۋ سياقتى راسىمدەردە كەزدەسىپ قالاتىنبىز», دەيدى دەپۋتات.