توعىز قىزى بار مايور جەلى جۇلدىزىنا اينالدى

الماتى وبلىسى بالقاش اۋداندىق جەرگىلىكتى پوليتسيا قىزمەتىنىڭ باسشىسى, مايور ازامات ءابدىراحمانوۆ –  توعىز قىز تاربيەلەپ وتىرعان كوپبالالى اكە, – دەپ جازدى  Aikyn.kz وبلىستىق پوليتسيا دەپارتامەنتىنىڭ رەسمي پاراقشاسىنا سىلتەمە جاسaپ.

«ازامات ءابدىراحمانوۆ قىزمەتتىك مىندەتىن ادال اتقارىپ جۇرگەن كاسىبي مامان عانا ەمەس, توعىز قىزدىڭ باقىتتى اكەسى. ازامات پوليتسياعا 2008 جىلى كەلدى, سول جىلى ونىڭ تۇڭعىش قىزى اقنۇر تۋدى. اقنۇر دا اكەسى سياقتى پوليتسيادا جۇمىس ىستەگىسى كەلەدى. ازاماتتىڭ جۇبايى – جازيرا بالالارىن تاربيەلەپ, جولداسىنا قولداۋ كورسەتىپ وتىر», – دەپ جازىلعان پوليتسيا حابارلاماسىندا.

ازامات پەن جازيرا – اقنۇر, گۇلنۇر, ءادينا مەن مەدينا ەسىمدى ەگىز قىز, كاۋسار, جاسمين, ايارۋ, توميريس جانە دايانا ەسىمدى توعىز قىز ءوسىرىپ وتىرعان باقىتتى اتا-انا.

جەلى قولدانۋشىلارى كوپبالالى وتباسىعا باقىت تىلەپ, جىلى لەبىزىن ءبىلدىرىپ جاتىر.