Tozaq týraly ýaǵyz aıta bergen: Imam áıelin qamap ustap, ony uryp-soǵyp aýrý qylǵan degen aqparat tarady

Foto: ashyq derekkóz

Jelide Aqtóbe oblysy Qandyaǵash qalasynda burynǵy ımam, teolog tórt balasynyń anasyna zorlyq-zombylyq kórsetkeni týraly aqparat tarady. Bul týraly Alash.kz ulttyq portaly Stan.kz aqparat agenttigine silteme jasap habarlaıdy.

Jábirlenýshiniń sińlisiniń aıtýynsha, teolog jezdesi ápkesine dinmen manıpýlıaııa jasap, týystarymen aralastyrmaı, úıinde qamap ustaǵan.

«Kúıeýi mektep kezindegi dostarymen sóılesýge de tyıym saldy. Súıikti isimen aınalystyrmady. Áıelderdiń bári haram dep, olarmen de aralastyrmady. Sondaı-aq biryńǵaı jyn men tozaq týraly ýaǵyz aıtyp, aıtqanymdy oryndamasań, razylyǵymdy almaısyń dep uryp-soqqan. Ápkemniń túk jazyǵy joq. О́te jýas boldy. Dindi jaqsy ustanyp, kúıeýiniń razylyǵyn alamyn dep, aıtqanyn eki etpedi. Sońynda baǵynyshty bolyp, ózi aýrý bolyp qaldy. Aýrýǵa shaldyqqanyn bilse de, kúıeýi medıına qyzmetine júginbeı, din qyzmetkerlerin shaqyryp óz betterinshe emdemek bolǵan. Osylaısha ápkemniń aýrýy asqynyp ketken», – deıdi sińlisi.

Sondaı-aq ol qazir ápkesiniń ózimen birge turyp jatqanyn aıtty.

«Qazir ápkem tórt balasymen janymda. Al teolog kúıeýi óz jumysyn jalǵastyryp jatyr. Ápkem aýrýǵa shaldyqqan soń kúıeýi tastap ketti», – deıdi ol.