جاڭالىقتار
تۇرعىندار نارازى: قىزىلوردادا قىزىل كىرپىشتەن سوعىلعان ۇيلەردى اق تۇسكە بوياپ جاتىر
فوتو: ۆيدەودان كادر
قىزىلوردادا قىزىل كىرپىشتەن جاسالعان ۇيلەردىڭ قاسبەتىن اق تۇسپەن بوياپ جاتىر, – دەپ حابارلايدى qandastar.kz
جەلىدە «قىزىل كىرپىشتى اققا بوياپ شىعۋ ميعا سىيمايتىن نارسە. اكىمدىكتەگىلەرگە نە بولعان?» دەگەن ماتىندە جازبالار كوبەيگەن. بۇعان جاۋاپتى مەكەمە بىلاي جاۋاپ قاتتى.
«اتالعان تۇرعىن ءۇيدى جوندەۋ دەمەۋشىلەردىڭ ەسەبىنەن جۇزەگە اسىرىلۋدا. بارلىق سىن-ەسكەرتپەلەر مەردىگەرگە جەتكىزىلىپ, باقىلاۋعا الىنادى», – دەپ جازدى اكىمدىك قىزمەتكەرلەرى.
ەسكە سالايىق, بۇعان دەيىن قالا تۇرعىندارى ۇيلەردى قىزىل كىرپىشتەن كوككە بوياۋعا قارسى بولعان. جەرگىلىكتى تۇرعىنداردىڭ نارازىلىعىنان كەيىن سۇلتان بەيبارىس كوشەسىندەگى 7ا ءۇيدى سىرلاۋ جۇمىستارى توقتاتىلعان بولاتىن
