تۇركىمەنستان قازاقتارى تاريحي وتانىنا ورالدى

13 مامىر كۇنى ماڭعىستاۋ وبلىسىنىڭ جاڭاوزەن قالاسىنا 256 قازاق كوشىپ كەلدى. ارنايى 8 ۆاگوننان تۇراتىن پويىزداعى جاقىندارىن تۋىستارى مەن جاقىندارى انمەن قارسى الدى. اراعا ۇزاق جىلدار سالىپ ءبىر-بىرىمەن قاۋىشقان جاندار كوزدەرىنە جاس الدى.

زەينەش, تۇركىمەنستاننان كوشىپ كەلگەن قازاق:

– قۋانىشتىمىن. وتە كۇشتى سەزىمدەمىز. اعايىن-جەكجاتقا, وتانىمىزعا ورالىپ جاتقانىمىزعا قۋانىشتىمىز.

قارشىعا, تۇركىمەنستاننان كوشىپ كەلگەن قازاق:

– قۋانىشتان تولقىپ تۇرمىن. ويتكەنى كوشىپ كەلدىم, سوعان باقىتتىمىن. بۇل كۇندى ۇزاق كۇتتىم, ءبىر جىل ەكى اي.

مال-مۇلكىن ساتىپ, كوشۋگە دايىن وتىرعان كەزدە پاندەميا باستالىپ, شەكارا جابىلىپ قالۋىنا بايلانىستى قانداستارىمىز وتانىنا ورالا الماي قالعان. ءبىر جىلدان سوڭ قانداستارعا وتانىنا, ەلىنە ورالۋ باقىتى بۇيىردى.

اقپاندا ءبىر توپ قازاق كورشى ەلدەن كوشىپ كەلگەن ەدى. بۇل – ەكىنشى رەيس. ولاردىڭ ايتۋىنشا تۇركىمەنستاندا ءالى دە ەلگە ورالعىسى كەلەتىن جۇزدەگەن قازاق بار.

اجارگۇل بايمۇراتوۆا, تۇركىمەنستاننان كوشىپ كەلگەن قازاق:

– تۇركىمەنستاندا قالعان ءالى قانشا تۋىسىمىز بار. ولار بىزبەن كەلمەگەن سوڭ, جىلاعىمىز كەلدى. زورعا كەلدىك. ولار ەندى كەلەسى رەيسپەن كەلەدى.

دەرەككوز: Azattyq ينستاگرام پارقشاسى