جاڭالىقتار
تۇركىستان وبلىسى دەزينفەكتسيا ورتالىعىنىڭ باس ديرەكتورى سوتتالدى
فوتو: اشىق دەرەككوز
شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى «تۇركىستان وبلىسى بويىنشا دەزينفەكتسيا ورتالىعى» شجق رمك فيليالىنىڭ باس ديرەكتورى ك.تورەگەلديەۆكە جانە جەكە كومپانيانىڭ باسشىسى د.وزىقباەۆقا قاتىستى ۇكىم شىعاردى. بۇل تۋرالى انتيكور ءوزىنىڭ رەسمي Telegram-ارناسىندا حابارلادى, دەپ جازادى Qandastar.kz.
تورەگەلديەۆ الاياقتىق, پارا بەرۋگە يتەرمەلەۋ جانە نەمقۇرايلىق تانىتقانى, ال وزىقباەۆ پارا بەرۋگە وقتالعانى ءۇشىن كىنالى دەپ تانىلدى.
تورەگەلديەۆ رمك-دا جۇرگىزىلىپ جاتقان اۋديتورلىق تەكسەرۋ جونىندەگى ماسەلەنىڭ شەشىمىن وڭ جاقتى ەتكەنى ءۇشىن لاۋازىمدى تۇلعالارعا پارا بەرۋ سىلتاۋىمەن وزىقباەۆتىڭ 500 مىڭ تەڭگە سوماسىنداعى اقشالاي قاراجاتىن الاياقتىق جولمەن يەمدەنگەنى انىقتالدى.
سونداي-اق تورەگەلديەۆ ءوز مىندەتتەرىن تيىسىنشە ورىنداماۋ ناتيجەسىندە ورىندالعان جۇمىستاردىڭ اكتىلەرىنە ونى ناقتى ورىندالماي قول قويدى, سول ارقىلى مەملەكەتكە 2,2 ملن تەڭگە سوماعا زالال كەلتىردى.
سوت ۇكىمىمەن تورەگەلديەۆكە 3 جىل مەرزىمگە باس بوستاندىعىنان ايىرۋ تۇرىندەگى جازا, وزىقباەۆقا 7,5 ملن تەڭگە كولەمىندە ايىپپۇل تاعايىندالدى.
سونىمەن قاتار اتالعان ادامدار مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويى ايىرىلدى. ۇكىم زاڭدى كۇشىنە ەنگەن جوق.
