TÚRKISTANDA TÝRISTIK MAÝSYM AShYLDY

Túrkistanda saıahat maýsymy saltanatty túrde ashyldy, «Túrkistan – Túrki áleminiń týrıstik astanasy» atty merekelik sharada óńirdiń týrıstik áleýeti kórsetildi. Qol kúresi, gir tasyn kóterý, «Bauyrsak Fest», «Qymyz ishý» sııaqty ulttyq oıyn-saýyq saıystary ótti. Oblystyń óner ujymdary men folklor ansamblderi, bı toptary, teatrlandyrylǵan qoıylymdar men alyp batyrlar kórermenge merekelik kóńil kúı syılady.

Qolónershiler jármeńkesine qazaqy naqyshtaǵy buıymdar qoıyldy. Qazaq, ózbek jáne qyrǵyz kólikteriniń qatysýymen Uly Jibek joly boıyndaǵy qalalarǵa avtosherý jolǵa shyqty. Týrıstik astana jyly aıasynda óńirde túrli is-shara ótedi dep josparlanǵan. Ábdýálı Ábdiǵalı, Halyqaralyq DRIVE FORUM jobasynyń jetekshisi: — Maqsatymyz – avtokólikpen týrıstik baǵytty bastaý, damytý jáne tanystyrý. Jańadan keletin týrısterge jańa baǵyttardy kórsetý. Bizdiń baǵytymyz 3 memleketti qamtıdy. Qazaqstannan bastalady, О́zbekstan jáne Qyrǵyzstandaǵy Ystyqkólge deıin baramyz.

8 kún júremiz, sonda 8 kúnde 3 myń shaqyrymdy bólip tastaımyz da, 7 qalada bolamyz. Nurdáýlet Medeýov, Oblystyq mádenıet jáne týrızm basqarmasy basshysynyń orynbasary: — Birqatar aýqymdy is-shara josparlanǵan. Halyqaralyq áýe sherýlarynyń baıqaýy, halyqaralyq FIRE SHOW jarystary, «Voice of Turan» halyqaralyq án baıqaýyn ótkizý josparlanǵan. Jyl sońyna deıin 100-ge jýyq is-shara ótkiziletin bolady. Onyń ishinde mádenıet, týrıstik, sporttyq baǵyttaǵy sharalar bar. Qyzmet kórsetý qyzmetiniń sapasyn arttyrý, ınfraqurylymdy jaqsartý, týrızm salasyna ınvestıııa tarta otyryp, qonaqúıler men demalys oryndaryn salýdy josparlap otyrmyz.