Úkimet iri kásiporyndarmen kelissóz júrgizbek

Premer-mınıstr Oljas Bektenov Salyq kodeksiniń jobasyn qaıta jazyp, fılosofııasyn ózgertý qajet dep esepteıdi. 7 aqpandaǵy Úkimettiń keńeıtilgen otyrysynda aıtylǵan tapsyrmalardy iske asyrý máseleleri jónindegi keńeste ol sarapshylar men bıznes qoǵamdastyqtardyń pikirin eskerý qajet ekenin aıtty.

Sondaı-aq Úkimet basshysy ónerkásiptiń damýyna jańa serpin berýdi kózdeıtin birqatar naqty mindetterdi belgilep, birinshi vıe-premer Roman Sklıarǵa 10 kún ishinde barlyq iri ónerkásip kásiporny ıelerimen, birinshi kezekte óndirýshi salalardaǵy kásiporyndarmen kelissózder júrgizýdi tapsyrdy.

Eń tómengi jalaqy jańasha eseptelýi múmkin
Qazaqstanda eń tómengi jalaqy jańa ádis-tásilmen eseptelýi múmkin. QR Kásipodaqtar federaııasy málimetinshe, eger jumys berýshiler jalaqyny 7-10%-ǵa kóteremiz dese, bul – shyn máninde ındeksteý. Ol – aılyqty kóterý degen sóz emes. Kásipodaqtar federaııasy ındeksteýdi zańnamalyq turǵydan retteýdi talap etedi. Bul – álemdik tájirıbe.

Elimizde eń tómengi jalaqy uzaq ýaqyt boıy 24 myń teńge, 2020 jyldan bastap 42 myń teńge, sodan keıin 60 myń teńge boldy. Eń tómengi jalaqyny esepteý ádistemesi bolǵan joq. Halyqaralyq eńbek uıymy maquldaǵan ındeks bar. Mysaly, Úkimet Qazaqstanda ortasha jalaqy 300 myń teńge dep málimdese, onda eń tómengi jalaqy osy somanyń 50%-y bolýy tıis.

Tech Girls baǵdarlamasy iske qosyldy
Jańa baǵdarlama qyz-kelinshekterdiń ıfrlyq bilimin arttyrýǵa arnalǵan.

QR Prezıdenti janyndaǵy áıelder isteri jáne otbasy-demografııalyq saıasat jónindegi ulttyq komıssııa málimetinshe, baǵdarlama ulttyq komıssııanyń, Astana Hub halyqaralyq tehnoparki jáne Techno Women qaýymdastyǵynyń bastamasymen júzege asyp jatyr.

Baǵdarlamanyń maqsaty – qyzdardyń ıfrlyq bilimin arttyrý, kodsyz jáne tómen kodty baǵdarlamalaý negizderin úıretý jáne qyzdardy STEM-ge tartýǵa yqpal etý. Sondaı-aq baǵdarlama aıasynda qyzdar mansapty josparlaý, qurý, suhbattan ótý jáne ózderi armandaǵan jumysqa turý týraly bilim alady. Bul onlaın rejımde ótetin tegin baǵdarlama jáne 16 men 25 jas aralyǵyndaǵy qyzdarǵa arnalǵan.