ۋكرايناعا قازاقستاننىڭ جاڭا ەلشىسى تاعايىندالدى

اقوردا تاراتقان مالىمەتكە سۇيەنسەك, دارحان كالەتاەۆتىڭ ورنىن باسقان جاڭا ەلشى – تولەجان بارلىباەۆ.

«مەملەكەت باسشىسىنىڭ جارلىعىمەن تولەجان تۇرسىن ۇلى بارلىباەۆ قازاقستان رەسپۋبليكاسىنىڭ ۋكرايناداعى توتەنشە جانە وكىلەتتى ەلشىسى لاۋازىمىنا تاعايىندالدى»,- دەلىنگەن اقپاراتتا.

تولەجان بارلىباەۆ – 1970 جىلى قاراعاندى وبلىسى تەمىرتاۋ قالاسىندا دۇنيەگە كەلگەن. 1992 جىلى ماسكەۋدە رەسەي مەملەكەتتىك گۋمانيتارلىق ۋنيۆەرسيتەتىن تامامداعان.

ەڭبەك ءوتىلىمى:

• قر سىرتقى ىستەر مينيسترلىگى جۇيەسىنىڭ قىزمەتكەرى (1993-2007);
• قر ۋكرايناداعى ەلشىلىگىنىڭ ءۇشىنشى, ەكىنشى حاتشىسى (1994-1997);
• قر ءسىم سىرتقى ساياسي ءىس-شارالاردى اقپاراتتىق تالداۋ جانە جوسپارلاۋ باسقارماسىنىڭ ءبىرىنشى حاتشىسى (1997-1998);
• قر ۋكرايناداعى ەلشىلىگىنىڭ ءبىرىنشى حاتشىسى, كەڭەسشىسى (1998-2002);
• قر ءسىم ەۋروپا جانە امەريكا دەپارتامەنتىنىڭ جالپى ساياسي ماسەلەلەر ءبولىمىنىڭ باستىعى, قر سىرتقى ىستەر ءمينيسترى حاتشىلىعىنىڭ تالداۋ ءبولىمىنىڭ باستىعى (2002-2003);
• قر ءسىم حالىقارالىق-قۇقىقتىق دەپارتامەنتى حالىقارالىق شارتتار باسقارماسىنىڭ باستىعى (2003);
• پولشا رەسپۋبليكاسىنداعى قر ەلشىلىگىنىڭ كەڭەسشىسى (2003-2007);
• قر پرەزيدەنتى اكىمشىلىگىنىڭ زتب باس ينسپەكتورى (2007-2008);
• قر پرەزيدەنتى اكىمشىلىگىنىڭ زتب مەڭگەرۋشىسى (2008-2009);
• قر پرەزيدەنتى اكىمشىلىگىنىڭ ءواو مەڭگەرۋشىسىنىڭ ورىنباسارى (2009-2012);
• پرەزيدەنت اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى (2012-2017);
• قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى (05.2017-30.03.2022);
• قازاقستان رەسپۋبليكاسىنىڭ بوسنيا مەن گەرتسەگوۆيناداعى, چەرنوگورياداعى توتەنشە جانە وكىلەتتى ەلشىسى (04.05.2018-30.03.2022);
• قازاقستان رەسپۋبليكاسىنىڭ سلوۆاكياداعى توتەنشە جانە وكىلەتتى ەلشىسى (30.03.2022-15.11.2024)

بۇعان دەيىن دارحان كالەتاەۆتىڭ ۋكرايناداعى توتەنشە جانە وكىلەتتى ەلشىسى لاۋازىمىنان بوساتىلعاندىعى حابارلانعان بولاتىن.