جاڭالىقتار
ۆەنگريالىق كومپانيا قازاقستاندا جەم شىعاراتىن زاۋىت سالۋدى كوزدەپ وتىر
باسقارما توراعاسى رۋسلان يبرايموۆ ۆەنگريالىق UBM Group كومپانياسىنىڭ وكىلدەرىمەن كەزدەستى, دەپ حابارلايدى ۇلتتىق كومپانيانىڭ ءباسپاسوز قىزمەتى. كەزدەسۋ بارىسىندا تاراپتار قازاقستاندا جىلدىق قۋاتتىلىعى كەمىندە 200 مىڭ توننا قۇرايتىن جەم زاۋىتىن سالۋ مۇمكىندىگىن تالقىلادى.
UBM Group وكىلى, دوكتور پيتەر زولتان قازاقستاننىڭ ستراتەگيالىق ورنالاسۋىن, قولايلى جاعدايلارىن جانە شيكىزات رەسۋرستارىنىڭ قولجەتىمدىلىگىن ەسكەرە وتىرىپ, ءوندىرىستى ىسكە قوسۋدىڭ ايتارلىقتاي الەۋەتىن اتاپ ءوتتى. ول كومپانيانىڭ قازاقستانداعى مال شارۋاشىلىعىنداعى ءوندىرىس پەن باسقارۋ جۇيەسىن دامىتۋعا ەلەۋلى ۇلەس قوسۋعا دايىن ەكەنىن باسا ايتتى.
UBM Group ۆەنگرياداعى قۇراما جەمنىڭ جەتەكشى ءوندىرۋشىسى بولىپ سانالادى, سونىمەن قاتار مال شارۋاشىلىعىمەن جانە استىق ساۋداسىمەن اينالىسادى. كومپانيا قۇرامىنا 18 ەنشىلەس ۇيىم كىرەدى, ولاردىڭ ونىمدەرى 15 ەلگە ەكسپورتتالادى.
