يۋنەسكو ۇلتتىق كيىم كۇنىمەن قۇتتىقتادى

يۋنەسكو ۇيىمى ءداستۇر مەن مادەنيەتكە باي قازاقتىڭ ۇلتتىق قۇندىلىقتارىن دارىپتەيتىن مەرەيلى مەرەكەمەن بارشا قازاق جۇرتىن قۇتتىقتادى. قۇرىلىم باسشىلىعى: «ۇلتتىق كيىم – تەك اتاۋلى كۇندەردە ەمەس, كۇندەلىكتى ومىردە قولدانىستا بولۋى ءتيىس مادەني مۇرا», – دەيدى.

قاۋىمداستىق «ناۋرىزناما» تۇجىرىمداماسىن ەرەكشە باعالاپ وتىر. بۇۇ-نىڭ ءبىلىم, عىلىم جانە مادەنيەت ماسەلەلەرى جونىندەگى ۇيىمى دا ۇلتتىق كيىم كۇنىن اتاپ ءوتۋدى قولدايتىنىن جەتكىزدى. ەرنەستو وتتونە, يۋنەسكو باس ديرەكتورىنىڭ ورىنباسارى: — ۇلتتىق كيىم – الەمدەگى قاۋىمداستىقتار مۇراسىنىڭ داستۇرگە باي كورىنىسى. قازاقستاندا شاپاننان باستاپ تاقياعا دەيىن ءالى كۇنگە قولدانىستا بولعانى قۋانتادى. ال قازىر جەرگىلىكتى ديزاينەرلەر بۇل ءداستۇردى قايتا جاڭعىرتىپ, ۇلتتىق كيىمگە جاراسىمدى ءوڭ بەرىپ, زاماناۋي نۇسقادا ۇسىنىپ ءجۇر.