IýNESKO ULTTYQ KIIM KÚNIMEN QUTTYQTADY

IýNESKO uıymy dástúr men mádenıetke baı qazaqtyń ulttyq qundylyqtaryn dáripteıtin mereıli merekemen barsha qazaq jurtyn quttyqtady. Qurylym basshylyǵy: «Ulttyq kıim – tek ataýly kúnderde emes, kúndelikti ómirde qoldanysta bolýy tıis mádenı mura», – deıdi.

Qaýymdastyq «Naýryznama» tujyrymdamasyn erekshe baǵalap otyr. BUU-nyń bilim, ǵylym jáne mádenıet máseleleri jónindegi uıymy da Ulttyq kıim kúnin atap ótýdi qoldaıtynyn jetkizdi. Ernesto Ottone, IýNESKO bas dırektorynyń orynbasary: — Ulttyq kıim – álemdegi qaýymdastyqtar murasynyń dástúrge baı kórinisi. Qazaqstanda shapannan bastap taqııaǵa deıin áli kúnge qoldanysta bolǵany qýantady. Al qazir jergilikti dızaınerler bul dástúrdi qaıta jańǵyrtyp, ulttyq kıimge jarasymdy óń berip, zamanaýı nusqada usynyp júr.