JAIYQ JAIPAP KETPESE IGI…

Batys Qazaqstan oblysynda sý tasqyny báseńder emes. Elek ózeniniń tasýyna baılanysty keshe Bórli aýdany Dımıtrov, Qarashyǵanaq aýyldarynan qarııalar men syrqat jandar, balalar evakýaııalandy.

Al Reseıdiń Orynbor oblysynda ornalasqan Irek sý qoımasynan kesheli-beri Jaıyqqa rekordtyq deńgeıde sý jiberilip jatyr. Kúndiz darııaǵa sekýndyna 1600 tekshe metr sý tússe, keshkisin 2150 tekshe metrge jetti. Buǵan deıin eń kóp sý 1994 jyly jiberilgen, biraq ol kezdegi kórsetkish 1300 tekshe metrden aspaǵan. Jaz aılarynda sý qoımasynan ózenge nebári 15 tekshe metr sý túsedi. Oral qalalyq ákimdigi Jaıyqtyń jaıylmasynda ornalasqan úıler men saıajaı turǵyndaryna, qazirdiń ózinde qaýipsiz jerge kóshýdi eskertedi. Bórli, Terekti, Báıterek, Aqjaıyq aýdandarynda da, ózen boıyndaǵy eldi mekenderge qater bar, — deıdi mamandar. Raýan Qusaıynov, «QazSýShar» RMK BQO fılıalynyń dırektory: — Saqmar ózeni, t.b. ózenniń bári Jaıyqqa quıady.

Bári úlken ózen sanalady. Elek, Shyńǵyrlaý ózenderi. Qazir Jaıyqtyń óziniń sýynan bólek, Jaıyqqa quıatyn ózenderdiń tasqyn sýlary kelip jatyr. RF Orynbor oblysynda Elek ózeni boıynda úlken tasqyn sý ótip jatyr. Irekten Oralǵa jetý merzimi shamamen 20-25 kún.