جاڭالىقتار
جەلىدە سالتانات نۇكەنوۆانىڭ اعاسى بيشىمباەۆتىڭ 10 جاسار قىزىن زورلاماق بولعان دەگەن اقپارات تارادى
جەلىدە ەكس-مينيستر قۋاندىق بيشىمباەۆتىڭ قولىنان قازا تاپقان سالتانات نۇكەنوۆانىڭ اعاسى ايتبەك امانگەلدى كىشكەنتاي قىزدى زورلاماق بولدى دەگەن اقپارات تارادى
بۇعان ادۆوكات جاننا مۇحامادي پىكىر ءبىلدىرىپ, اقپاراتتىق شابۋىل جاسالىپ جاتقانىن ايتتى
ەلەنا سەمەنوۆا ەسىمدى Facebook قولدانۋشىسى ايتبەك امانگەلدى ايىپتالۋشى قۋاندىق بيشىمباەۆتىڭ 10 جاسار قىزىن زورلاماق بولعانىن ايتىپ, پرەزيدەنتكە ماسەلەنى نازارعا الۋىن سۇرادى. ايتۋىنشا, ايتبەك ءتۇن ورتاسىندا شابۋىلداعان, بيشىمباەۆتىڭ ۇلى قورىققانىنان شكافقا تىعىلعان. سوزىنشە, اكىم بولعان اعاسىنىڭ ارقاسىندا ءىس تىنىش جابىلىپ, تەرگەۋ جۇرگىزىلمەگەن.
سالتانات نۇكەنوۆانىڭ ادۆوكاتى جاعدايعا بىردەن جاۋاپ بەرىپ, بۇل پوست ءۇشىن اقشا تولەنگەن بولۋى مۇمكىن ەكەنىن جانە اقپارات مۇلدەم شىندىققا جاناستپايتىنىن ايتتى, دەپ جازادى Stan اگەنتتىگى. بۇعان ادۆوكات جاننا مۇحامادي پىكىر ءبىلدىرىپ, اقپاراتتىق شابۋىل جاسالىپ جاتقانىن ايتتى. حابارلايدى.
“مىنا نارسە مۇلدەم قيسىنعا كەلمەيدى. راسىمەن وسىنداي بولسا, بالانىڭ اناسى مەن اكەسى, اتاسى مەن اجەسى ءۇنسىز وتىرار ما ەدى? بيشىمباەۆتىڭ بۇرىنعى ايەلى (بالانىڭ اناسى) مۇنى جازاسىز قالدىرار ما ەدى? بۇرىن جۇبايىنىڭ مۇددەسى ءۇشىن جولبارىستاي كۇرەسكەن ساۋاتتى, ءبىلىمدى ايەل, قىزىن زورلاماق بولعان كەزدە ۇندەمەي قالادى دەپ ويلايسىز با??? وندا نەلىكتەن مۇنداي جاعدايدا ولاردى اتا-انا قۇقىعىنان ايىرمايدى?”, – دەدى قۇقىق قورعاۋشى.
ادۆوكات سالتاناتتىڭ اعاسى مەن بيشىمباەۆ اراسىندا جانجال بولعانىن, سول كەزدە بالالار قورقىپ قالعانىن جاسىرمادى. ايتۋىنشا, وسى كەزدە ايتبەك ءوزى پوليتسيا شاقىرعان.
قۋاندىق بيشىمباەۆتىڭ ەكس-زايىبى نازىم قاھارمان دا زورلاۋ فاكتىسىن جوققا شىعاردى.
“جالا جاپپاۋىڭىزدى سۇرايمىن. مەن – سول قىزدىڭ اناسىمىن. وندا وسى قۇجاتتاردى كورسەتسەڭىز, وزىمە دە قىزىق بولىپ كەتتى. راس بولسا, مەنىڭ زورلاۋ فاكتىسى بويىنشا جازعان ارىزىمدى دا كورسەتىڭىز. بالالار شىنىندا قورقىپ قالعان ەدى, سەبەبى اكەلەرى ولاردى ءتۇن ورتاسىندا قاۋىپتى جاعدايدا جالعىز تاستاپ كەتتى. ارتىنشا ءىستى ءوزى جاۋىپ, ارىزدانباۋىمدى ءوتىندى”, – دەدى ايىپتالۋشىنىڭ بۇرىنعى ايەلى.
