Jelide Saltanat Núkenovanyń aǵasy Bıshimbaevtyń 10 jasar qyzyn zorlamaq bolǵan degen aqparat tarady

Jelide eks-mınıstr Qýandyq Bıshimbaevtyń qolynan qaza tapqan Saltanat Núkenovanyń aǵasy Aıtbek Amangeldi kishkentaı qyzdy zorlamaq boldy degen aqparat tarady

Buǵan advokat Janna Muhamadı pikir bildirip, aqparattyq shabýyl jasalyp jatqanyn aıtty

Elena Semenova esimdi Facebook qoldanýshysy Aıtbek Amangeldi aıyptalýshy Qýandyq Bıshimbaevtyń 10 jasar qyzyn zorlamaq bolǵanyn aıtyp, prezıdentke máseleni nazarǵa alýyn surady. Aıtýynsha, Aıtbek tún ortasynda shabýyldaǵan, Bıshimbaevtyń uly qoryqqanynan shkafqa tyǵylǵan. Sózinshe, ákim bolǵan aǵasynyń arqasynda is tynysh jabylyp, tergeý júrgizilmegen.

Saltanat Núkenovanyń advokaty jaǵdaıǵa birden jaýap berip, bul post úshin aqsha tólengen bolýy múmkin ekenin jáne aqparat múldem shyndyqqa janastpaıtynyn aıtty, dep jazady Stan agenttigi. Buǵan advokat Janna Muhamadı pikir bildirip, aqparattyq shabýyl jasalyp jatqanyn aıtty. habarlaıdy.

“Myna nárse múldem qısynǵa kelmeıdi. Rasymen osyndaı bolsa, balanyń anasy men ákesi, atasy men ájesi únsiz otyrar ma edi? Bıshimbaevtyń burynǵy áıeli (balanyń anasy) muny jazasyz qaldyrar ma edi? Buryn jubaıynyń múddesi úshin jolbarystaı kúresken saýatty, bilimdi áıel, qyzyn zorlamaq bolǵan kezde úndemeı qalady dep oılaısyz ba??? Onda nelikten mundaı jaǵdaıda olardy ata-ana quqyǵynan aıyrmaıdy?”, – dedi quqyq qorǵaýshy.

Advokat Saltanattyń aǵasy men Bıshimbaev arasynda janjal bolǵanyn, sol kezde balalar qorqyp qalǵanyn jasyrmady. Aıtýynsha, osy kezde Aıtbek ózi polıııa shaqyrǵan.

Qýandyq Bıshimbaevtyń eks-zaıyby Nazym Qaharman da zorlaý faktisin joqqa shyǵardy.

“Jala jappaýyńyzdy suraımyn. Men – sol qyzdyń anasymyn. Onda osy qujattardy kórsetseńiz, ózime de qyzyq bolyp ketti. Ras bolsa, meniń zorlaý faktisi boıynsha jazǵan aryzymdy da kórsetińiz. Balalar shynynda qorqyp qalǵan edi, sebebi ákeleri olardy tún ortasynda qaýipti jaǵdaıda jalǵyz tastap ketti. Artynsha isti ózi jaýyp, aryzdanbaýymdy ótindi”, – dedi aıyptalýshynyń burynǵy áıeli.