12 jylǵa bas bostandyǵynan aıyrylǵan Gúlmıra Satybaldyǵa qatysty úkim ózgerissiz qaldy

Foto: stan.kz

5 qańtarda Gúlmıra Satybaldy isi boıynsha apellıaııa soty onlaın rejımde ótkizildi. Apellıaııalyq sot birinshi satynyń sheshimin ózgerissiz qaldyrdy. Bul týraly qandastar.kz aqparat agenttigi habarlaıdy.

Málimetterge sensek, Qaırat Satybaldynyń burynǵy jubaıy úsh bap boıynsha aıyptalǵan:

• «Zańsyz bas bostandyǵynan aıyrý»
• «Qorqytyp alý».
• «О́zimbastylyq».

Stan.kz jazǵandaı, sot aıyptalýshyǵa 12 jylǵa bas bostandyǵynan aıyrý jazasyn taǵaıyndady.

Eske salaıyq, Gúlmıra Satybaldynyń burynǵy kúıeý balasy Abaı Júnisov onyń nusqaýymen 2019 jyldyń 13 aqpanynan shildesine deıin alty aı boıy óz erkinen tys úıqamaqta ustalǵanyn aıtyp, sotqa júgingen. Sonymen qatar ol Qaırat Satybaldynyń burynǵy áıelin olardyń ortaq bıznesi – Baur Kazakhstan AQ aktıvterin tartyp aldy dep aıyptap otyr. Sot proesi 3 maýsymda bastalǵan.

1. Gúlmıra Satybaldyǵa qylmystyq kodekstiń 126-baby 3-bóliginiń 3-tarmaǵy (zańsyz bas bostandyǵynan aıyrý, aýyr zardaptarǵa ákep soqtyrǵan aldyn ala sóz baılasý), 194-baptyń 4-bóliginiń 2-tarmaǵy (zorlyq-zombylyq qoldaný qaýpimen asa iri mólsherde bopsalaý) boıynsha aıyp taǵylyp otyr.
2. Onymen birge onyń qol astynda jumys istegen Mádı Batyrshaev Qylmystyq kodekstiń 126-baby 3-bóliginiń 3-tarmaǵy (zańsyz bas bostandyǵynan aıyrý, aýyr zardaptarǵa ákep soqtyrǵan aldyn ala sóz baılasý) aıyptalyp otyr.

Buǵan deıin Gúlmıra Satybaldy sot otyrysynda densaýlyǵynyń nasharlaýyna baılanysty sońǵy sózin aıtýdan bas tartty.

О́tken jolǵy sot otyrysynda prokýror aıyptalýshyny 13 jyl bas bostandyǵynan aıyrýdy surady. Sonymen qatar jábirlenýshiler Gúlmıra Satybaldy men Mádı Batyrshaevtan 11 mıllıard teńgeden astam somany óndirýdi talap etti.