ءانشى مەيرامبەك بەسباەۆ ەندى كينو تۇسىرمەك

قاتەسىز تۋىندى ۇسىنعىم كەلەدى: مەيرامبەك بەسباەۆ ەستاي تۋرالى كينو تۇسىرمەك. بۇل تۋرالى ءانشى «ەرەجەسىز اڭگىمە» باعدارلاماسىندا ايتتى.

بەلگىلى ءانشى تاريحي كينو ءتۇسىرىپ, ءوزىن جاڭا قىرىنان كورسەتپەك. م.بەسباەۆ كينو وندىرىسكە بەت بۇرعانىمەن, تۋىندىنىڭ نەگىزگى ماعىناسى اننەن الىستايتىنىن ايتتى. قازىر «قۇسني-قورلان» ءانىنىڭ اۆتورى ەستاي تۋرالى كينو ءتۇسىرۋ ويعا العان. بارىنشا قاتەسىز تۋىندى ءتۇسىرۋدى كوزدەيدى مەيرامبەك بەسباەۆ.

«ەستاي بابامىز تۋرالى. جالپى سول كىسىنىڭ ءومىربايانى مەنى قاتتى قىزىقتىرادى. «قۇسني-قورلان» دەگەن ۇلكەن ولەڭ ەكەنىن بىلەسىزدەر. سونشالىقتى قورلان سۇلۋ ما ەدى? الدە سول كەزدەگى جاعداي سەبەپ بولدى ما? ءاننىڭ تاريحتا قالۋىنا نە تۇرتكى بولدى? ەستاي اتامىز كىم? اتامىزدىڭ بۇكىل ءومىربايانىن ءبىر جىلداي زەرتتەدىك. قازىر بارىمدى سالىپ, تاريحي ءبىر كينو ءتۇسىرۋ ارمانىم. قازاق ءفيلمنىڭ قورىنا قاتەسىز, ءومىربايانىنان قاتە كەتپەگەن جاقسى دۇنيە جاساعىم كەلەدى. تەڭىزگە قۇيعان تامشىداي ۇلەسىم بولعانىن قالايمىن», — دەيدى مەيرامبەك بەسباەۆ.

سونىمەن قاتار ءانشى كينودان باستى ءرولدى كىم سومدايتىنىن دا ايتىپ بەردى. ءوز تۋىندىسىن مەيرامبەك بەسباەۆ كاسىبي مامانداردىڭ قولىنا تاپسىرماق.

«تاريحي ۇلكەن دۇنيە جاساساق پا دەپ وتىرمىز. قول جەتكىزە الساق جاقسى بولار ەدى. مىندەتتى تۇردە مەن وينايمىن دەگەن ءسوز ەمەس. ول كاسىبي اكتەر بولادى. قازىر سول جۇمىسقا كىرىسىپ جاتىرمىز», — دەيدى ول.