شقو: نايزاعايدان ءۇي ورتەنىپ كەتتى

ابىروي بولعاندا, ءۇيدىڭ ىشىندە ەشكىم بولماعان.

گلۋبوكوە اۋدانىندا ساياجايدىڭ توبەسىنە جاي ءتۇسىپ, ورتەپ جىبەردى, دەپ حابارلايدى قازاقپارات شىعىس قازاقستان وبلىسىنىڭ توتەنشە جاعدايلار دەپارتامەنتىنە سىلتەمە جاساپ.

وقىس وقيعا «يابلونكا» ساياجاي الابىنداعى كوجوحوۆ اۋىلىندا بولدى. كورشىلەرى ساياجايدىڭ توبەسىنە جاي تۇسكەنىن كورگەن. ابىروي بولعاندا, ءۇيدىڭ ىشىندە ەشكىم بولماعان.

وقيعا ورنىنا الدىمەن №23 ءورت ءسوندىرۋ بولىمشەسىنىڭ قىزمەتكەرلەرى جەتتى.
«مانسارد تيپىندەگى ءۇيدىڭ توبەسى جانعىش ماتەريالدارمەن قاپتالعاندىقتان, جالىن جىلدام تاراعان. ءبىزدىڭ مىندەتىمىز ءورتتىڭ جان-جاققا تاراۋىنا جول بەرمەۋ ەدى. 45 مينۋتتىڭ ىشىندە ءورت ءسوندىرىلدى, بىراق ءۇيدىڭ توبەسى تولىپ جانىپ كەتكەن ەدى», — دەيدى №23 ءورت ءسوندىرۋ بولىمشەسى باستىعىنىڭ ورىنباسارى اسلان ىبىراەۆ.

№23 بولىمشەگە كومەكتەسۋگە جوعارعى بەرەزوۆكا كەنتىندەگى №37 بولىمشەنىڭ قىزمەتكەرلەرى كەلدى.

قازىر كەلتىرىلگەن شىعىن كولەمى انىقتالىپ جاتىر.