ءبىلىمجاڭالىقتار
6 جاسار بالالاردى بالاباقشادان شىعارۋ مەرزىمى وزگەرەدى
بالالاردىڭ بالاباقشاعا بارۋ كەستەسى قايتا قارالادى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءداستۇرلى تامىز كونفەرەنتسياسىندا مالىمدەدى.
«ءبىلىم جانە عىلىم مينيسترلىگى مەكتەپكە دەيىنگى ساپالى ءبىلىم بەرۋگە قولجەتىمدىلىكتى قامتاماسىز ەتۋ بويىنشا جۇمىستاردى جالعاستىرادى. ەلباسىنىڭ تاپسىرماسى بويىنشا 2019 جىلى 1 قىركۇيەكتەن باستاپ بالالاردى ەرتە جاستان دامىتۋ باعدارلاماسى ەنگىزىلەدى. بۇگىندە ەكى جاستاعى بالالاردى قامتۋ ماسەلەسى وزەكتى بولىپ وتىر. وزدەرىڭىز بىلەتىندەي, 3-تەن 6 جاس دەدىك. 6 جاستىڭ كوبى 1-سىنىپقا بارىپ جاتىر. سوندىقتان ەكى جاستاعى بالالاردى قامتۋ ماسەلەسىن كوتەرۋ قاجەت», – دەدى ايماعامبەتوۆ تاۋەلسىزدىك سارايىندا ءوتىپ جاتقان تامىز كونفەرەنتسياسىندا.
مينيستر بالالاردىڭ بالاباقشاعا بارۋ كەستەسىن قايتا قاراۋ قاجەت ەكەنىن ايتا كەتتى.
«6 جاستاعى بالالاردى بالاباقشادان مامىر ايىنان باستاپ شىعارۋ تاجىريبەسىن توقتاتۋ كەرەك دەپ سانايمىز. بالالاردىڭ بالاباقشاعا بارۋ ۋاقىتىن تامىز ايىنا دەيىن ۇزارتىپ, سوڭعى ايلاردا, مىسالى 5 جاسار جانە مەكتەپالدى دايارلىق توپتارىن مەكتەپكە دايىنداۋ ءۇشىن پايدالانۋ كەرەك. بۇل تاراپتا ارنايى باعدالامانى دايىندايمىز», – دەدى ۆەدومستۆو باسشىسى.
دەرەككوز: BAQ.KZ
نازەركە ابيبۋللا
