ۇكىلەگەن ءۇمىت اقتالدى  

شەت ەلدەردە تۇراتىن قانداستارىمىزدىڭ قازاقستاندا ءبىلىم الۋى جىلدان جىلعا جۇيەلەنىپ كەلەدى. ەتنيكالىق قازاق جاستارىنىڭ جوو-عا ءتۇسۋى كەزىندە قازاق ءتىلى مەن قازاقستان تاريحى سىناعىنان قينالماۋى ءۇشىن اتالعان وقۋ ورىندارىندا ولارعا ارنالىپ دايىندىق بولىمدەرى اشىلعان. وتانداستار قورى ءبىلىم ىزدەپ كەلگەن شەت ەلدىك قازاق جاستارىنىڭ جاتاقحانامەن قامتاماسىز ەتىلۋىنە سەپ بولدى.

بيىل دايىندىق كۋرسىنا قابىلداۋ ەمتيحانى 13 قىركۇيەكتە ءوتتى جانە 25 قىركۇيەكتە تالاپكەرلەر جيناعان باللىنا قاراي بولىنگەن 1000 ورىنعا قابىلداندى. «وتانداستار قورى» كەاق 1000 ورىنعا سىيماي قالعان 238 ءوتىنىش بەرۋشىنىڭ جايى بويىنشا قر ءبىلىم جانە عىلىم مينيسترلىگىنە حات جولداپ, دۇنيەجۇزى قازاقتارى قاۋىمداستىعىنىڭ ءبىرىنشى ورىنباسارى زاۋىتبەك قاۋىسبەك ۇلى ۇكىمەت وتىرىسىندا وسى ماسەلەنى كوتەردى.  ماسەلە وڭ شەشىمىن تاۋىپ, 238 ۇمىتكەر ەلدە قالىپ, ءبىلىمىن تەگىن جالعاستىرۋعا مۇمكىندىك الدى.