Jańalyqtar
Qytaıdaǵy qazaqtardyń máselesi: Toqaev óz oıyn aıtty
Memleket basshysy etnıkalyq qazaqtardy lagerlerge qamaý jónindegi aqparat Qytaı men AQSh arasyndaǵy saýda soǵysynyń saldary ekenin aıtty
Qytaıdaǵy etnıkalyq qazaqtarǵa qatysty jaǵdaı ádeıi ýshyqtyrylyp otyr, dedi Qazaqstan prezıdenti Qasym-Jomart Toqaev.
«Kóptegen buqaralyq aqparat quraly Shyńjańda saıası tárbıeleý lagerleri bar ekenin jazdy. Ol jerde ıslam dinin ustanatyn uıǵurlar men qazaqtar turady. Osyǵan qatysty qytaılyq tarappen kelissóz júrgizilip jatyr ma? «, — dep surady Janna Nemova memleket basshysynan.
Vıdeo suhbatqa silteme: https://www.youtube.com
Qasym-Jomart Toqaev mundaı habar tekseristi qajet etetinin atap ótti.
«Birinshiden, Shyńjańda Qytaı Halyq Respýblıkasynyń azamattary turady. Quqyq qorǵaý uıymdary etnıkalyq qazaqtardyń lagerlerge qamalýyna qatysty aqparatty taratty. Bul málimet tekseristi qajet etedi. Etnıkalyq qazaqtar tóńiregindegi jaǵdaı ádeıi ýshyqtyrylyp otyr», — dedi Toqaev Deutsche Welle-ge bergen suhbatynda.
Ol bul «geosaıasattyń» bóligi bolýy múmkin degen boljamymen bólisti. О́ıtkeni Qytaı men AQSh arasynda saýda soǵysy týyndady.
«Kelissózder qalaı aıaqtalady, Qytaıǵa qarsy sankııa alyp tastalady ma? Muny ýaqyt kórsetedi. Biraq Qazaqstan jahandyq Qytaıǵa qarsy aımaqqa aınalmaýy tıis», — dedi ol.
«Siz lagerler týraly aqparatqa senesiz be?» – dep surady Nemova.
«Men bul materıaldar shyndyqqa janaspaıdy dep oılaımyn. Múmkin biren-saran qazaq osy lagerge túsken bolar. Alaıda halyqaralyq ınstıtýttar men uıymdar kórsetip otyrǵandaı jaǵdaı joq. Bul, árıne, shyndyqqa janaspaıdy», — dedi Toqaev.
Ol halyqaralyq kelisimge sáıkes, Qazaqstan men Qytaı bir-biriniń ishki isine aralaspaıtynyn jetkizdi.
Ári qaraı oqý: https://sputniknews.kz
