Танымал блогер Әнел Кенжебекова өзін алдап кеткен таныстарына қатысты пікір білдірді, деп жазды qandastar.kz
Оның айтуынша, алаяқтық әрекетке оның өз ортасындағы адамдар қатысқан.
«Бәрі мен ойлағандай бөтен адамдар емес екен, таныстарым болып шықты. Қазір бұл мәселе заң аясында қаралып жатыр. Алдағы бір-екі айда бәрі өз орнына келеді деп үміттенемін. Өкінішке қарай, мен ғана емес, менің кей әріптестерім де осындай жағдайды бастан кешіп отыр», – деді блогер.
Әнел Кенжебекова бұл оқиғадан кейін әлеуметтік желі қолданушыларын сақ болуға және сенім артқан адамдармен де қарым-қатынаста абай болуға шақырды.
