Үкімет Қазақстанда ең төменгі жалақы мөлшерін 150 мың теңгеге дейін көтеру мүмкіндігін қарастырып жатыр, деп хабарлайды qandastar.kz порталы.
Бұл туралы журналистерге берген сұхбатында ұлттық экономика бірінші вице-министрі Азамат Амрин мәлімдеді.
Қазіргі таңда ең төменгі жалақы көлемі 85 мың теңгені құрайды.
Үкімет халық табысын арттыруға бағытталған кешенді шараларды әзірлеуді бастаған. Сол бастамалардың бірі – ең төменгі жалақыны кезең-кезеңімен ұлғайту.
«Қазір ең төменгі жалақының мөлшері 85 мың теңгені құрайды. Ал әлемдік тәжірибе бойынша оның көлемі медиандық жалақының 50 процентіне тең. Бізде медиандық жалақы – 302 теңге. Бұл дегеніміз, біздің міндетіміз — алдағы уақытта ең төменгі жалақыны 150 теңгеге дейін жеткізу», – дейді Амрин.
Вице-министрдің айтуынша, бұл шешім республикалық бюджет кірістеріне тікелей байланысты.
Егер бюджетке түсетін түсімдер ұлғайса, ең төменгі жалақыны көтеруге мүмкіндік пайда болады.
