АҚШ-тың Georgia штатында ересектердің қарауынсыз қалған бір жасар сәби қайтыс болды, деп хабарлайды Qandastar.kz сайты Zakon.kz порталына сілтеп хабарлады. Ақпаратқа сәйкес, бала 12 сағат бойы бақылаусыз қалған.
People басылымының мәліметінше, сәби үйде өзге бес бауырларымен бірге болған. Алайда олардың ешқайсысы өздігінен дұрыс тамақтана алмаған. Алдын ала деректер бойынша, қатты ашыққан бала үйдегі жәндіктерді жей бастаған, соның салдарынан көз жұмған.
Оқиғаға байланысты балалардың 37 жастағы анасы Шерри Магби ұсталды. Оған балаларға қатысты қатыгездік танытты деген айыппен алты іс қозғалған. Әйелдің айтуынша, ол балаларды қарауды 10 жастағы үлкен баласына қалдырған.
