Аюсай шатқалында ата-анасынан адасып қалған қызды құтқарушылар тауып алды, деп хабарлайды qandastar.kz порталы.
Алматы тауларында серуендеп жүрген отбасының қуанышын кенеттен үрей басты. Аюсай шатқалында ата-анасы 2019 жылы туған қызынан көз жазып қалған.
Баласының жанында жоқ екенін байқаған ата-ана бірден «112» нөміріне хабарласып, көмек сұраған.
Осы кезде шатқалды патрульдеп жүрген Алматы қаласы ТЖД құтқарушылары іздеуге кірісті. Көп ұзамай мамандар қызды тауып, анасына аман-есен тапсырды.
Бала медициналық көмекті қажет етпеген.
Оқиға осылайша қуанышты аяқталды.
