Elimizde astrologtar men baqsy-balgerler 39 mıllıon teńge tabys tapqan

Jurtshylyq astrologtar men baqsy-balgerler qyzmetine 39 mıllıon teńge jumsaǵan, dep habarlaıdy qandastar.kz.

Ulttyq statıstıka bıýrosynyń málimetinshe, kásipker retinde tirkelgen astrologtardyń eń kóp tabys tapqan jeri Astana qalasy. Kóripkelder Astanada 25,3 mln teńge tabys tapqan.

Sonymen qatar, atalmysh qarjy tek jeke kásipker retinde tirkelgenderge túsken tabys. Uıymnyń dereginshe, kóripkelderdiń barlyǵynyń tirkelip jumys isteýi ekitalaı, al saýalnama barlyq jeke kásipkerlerdi qamtymaǵan, sondyqtan tabys budan da joǵary bolýy múmkin.

Resmı derekter boıynsha, qyzmetterdiń jalpy kóleminiń 38,1 mıllıon teńgesin halyq tólese, al 1 mıllıon teńgeni Atyraý oblysynda tirkelgen belgisiz uıym tólegen bolyp shyqty.