«Qyzdy «jat-jurttyq» dep jaqyndatpaý – fashızm» – Dına Tólepbergen

Foto: instagram.com/dina_tolepbergen

Belgili telejúrgizýshi Dına Tólepbergen qyz bala, áıel týraly qoǵamdaǵy kózqarasqa qatysty oıyn bildirdi, dep habarlaıdy Skifnews.kz aqparat portaly.

Onyń paıymdaýynsha, ata-anasy qyzyn «jat-jurttyq» emes, «janym» dese jón bolady.

«Áıeldi urý – qylmys. Bul bos uran emes, bul endi zań. Biz «qyz – jat-jurttyq degen oıdan jırenýimiz kerek. О́z baýyryńnan shyǵyp, toǵyz aı kótergen perzentińdi qyz bolǵany úshin «jat» dep jaqyndatpaý – fashızm. Men árbir ata-ananyń óz qyzyn jat emes, janym degenin qalaımyn.

«Uldyń murasy ózimizde qalady, qyzdyń murasy qudalarǵa barady» dep oılaý qate! Ul óz páterine ózi aqsha tapsa, utylmaıdy. Al qyz úshin bul – qaýipsizdik  alǵysharty», – dep ol áleýmettik jelidegi paraqshasynda jazdy.