ءبىلىم
وقۋ-اعارتۋ مينيسترلىگى مەرەكەدە مۇعالىمدەرگە گۇل سىيلاۋعا بولاتىنىن ايتتى
فوتو: وقۋ-اعارتۋ مينيسترلىگى
وقۋ-اعارتۋ مينيسترلىگىنىڭ ءباسپاسوز حاتشىسى مەرەكە امانگەلدىقىزى ءوزىنىڭ الەۋمەتتىك جەلىدەگى پاراقشاسىندا مۇعالىمدەردى مازالاعان سۇراققا جاۋاپ بەردى. بۇل تۋرالى Stan.kz اقپارات اگەنتتىگى حابارلايدى.
“مەرەكە قارساڭىندا ارىپتەستەردەن «مۇعالىمگە گۇل سىيلاۋعا بولا ما?» دەگەن سۇراقتار تۇسە باستادى. وسى ورايدا اتالعان سۇراققا قاتىستى ۇستانىمدى بىلدىرگىم كەلەدى. ۇستازدار كۇنى راسىندا ەرەكشە كۇن, مەرەكە پەداگوگتەردىڭ ءبىزدىڭ ومىرىمىزدەگى ماڭىزدى ءرولىن تاعى ءبىر ەسكە سالادى. سونداي-اق بۇل ءبىزدى تاربيەلەۋ مەن وقىتۋعا بار كۇش-جىگەرىن جۇمساعان ۇستازدارعا العىس ءبىلدىرۋدىڭ مۇمكىندىگى. گۇل سىيلاۋ, جاقسى لەبىز ءبىلدىرۋ – بىزدىڭ مۇعالىمدەرىمىزگە بىلدىرەتىن العىس سەزىمىمىزدىڭ بەلگىسى. ايتا كەتۋ كەرەك, ۇستازعا قۇرمەت كورسەتۋ ۇرپاقتار اراسىندا ساقتالىپ كەلە جاتقان ءداستۇر”, – دەيدى مەرەكە امانگەلدىقىزى.
ايتۋىنشا, مۇنداي سىيلاستىق ۇستاز ەڭبەگىنىڭ ماڭىزدىلىعىن كورسەتىپ, ۇرپاقتار اراسىنداعى سىيلاستىق قارىم-قاتىناستى نىعايتا تۇسەدى.
