رەسەيدەگى تەراكتىگە قاتىستى سوڭعى اقپاراتتار:

الدىن الا مالىمەت بويىنشا Crocus City Hall-داعى تەراكتتەن كوز جۇمعاندار سانى 62 ادامعا جەتتى. قۇرباندار سانى ارتۋى مۇمكىن, سەبەبى عيمارات تولىعىمەن تەكسەرىلمەگەن.

قازاقستان سىرتقى ىستەر مينيسترلىگى رەسەيدەگى تەراكت كەزىندە كوز جۇمعان نەمەسە جاراقات العان قازاقستاندىقتار تۋرالى اقپارات جوق ەكەنىن مالىمدەدى.

الداعى ۋاقىتتا ۆلاديمير پۋتين Crocus City Hall-دا بولعان تەراكتكە قاتىستى رەسەي حالقىنا ۇندەۋ جاسايدى.

ۋكراينا قاندى قىرعىنعا قاتىسى جوق ەكەنىن حابارلادى. بۇل تۋرالى ۆلاديمير زەلەنسكي كەڭسەسى باسشىسىنىڭ كەڭەسشىسى ميحايل پودولياك ءوز Telegram-ارناسىندا ايتتى.

رەسەيدىڭ توتەنشە جاعدايلار مينيسترلىگى Crocus City Hall-داعى ءورتتىڭ وقشاۋلانعانىن حابارلادى. بۇعان دەيىن قىزىل جالىن 12,9 مىڭ شارشى مەتردى شارپىعانى ايتىلعان ەدى.