Sherzat isi: Aıyptalýshy jalǵan aıǵaq bergenin moıyndady

Talǵar aýdanynda qaraly jaǵdaıǵa sebep bolǵan atyshýly is boıynsha ótip jatqan sot proesinde aıyptalýshy Azamat Toqtaýbaev burynǵy bergen jaýabynyń jalǵan bolǵanyn málimdedi. Bul týraly sot otyrysy barysynda belgili boldy, dep habarlaıdy qandastar.kz caıty Skifnews.kz aqparattyq portalyna silteme jasap.

Sotta «Qamajaı» dúkeni aldyndaǵy beınebaqylaý jazbasy kórsetilip, oqıǵanyń barysy qaıta taldandy. Prokýror Toqtaýbaevtan buǵan deıin Darhan Áskentaıǵa qatysty aıtqan sózderiniń ne sebepti ózgergenin surady.

Aıyptalýshynyń aıtýynsha, ol buǵan deıingi jaýaptarynda Áskentaıǵa ashýlanyp, oǵan qatysty teris pikir bildirgen.

«Darhan bul iske múlde qatysqan joq. Qolynda qarý bolmaǵan, eshkimge shabýyl jasaǵanyn da kórmedim. О́tirik aıǵaq berip qoıdym, endi ókinemin», – dedi Toqtaýbaev.

Sonymen qatar, ol oqıǵa ornynda bolǵan marqum Sherzattyń dostaryn Darhannyń tanystary dep shatastyrǵanyn aıtty.

Sot proesi áli de jalǵasyp jatyr. Bul málimetter is boıynsha kinálilerdiń kim ekenin naqtylaýǵa áser etýi múmkin.