SÝ TASQYNY: 35 MYŃ VOLONTER ATSALYSYP JÚR

Elde tasqynmen kúres sharalaryna 35 myńǵa jýyq volonter atsalysyp jatyr. Aımaqtarda eriktilerdiń front keńsesi jumys istep tur. Mamandardyń aıtýynsha, onda kúnine 100 shaqty qońyraý kelip túsedi.

Volonterler turǵyndardy evakýaııalaý, olarǵa kerek-jaraq jetkizý, jaǵalaýdy bekitý jáne jumyskerlerdi ystyq tamaqpen qamtý sharalaryna jumyldyrylǵan. El aýmaǵynda 3 jarym myńǵa jýyq tonna gýmanıtarlyq júk jınaldy. Eriktiler olardy suryptap, taratyp jatyr. Tımýr Jumyrbaev, «Assambleıa jastary» RQB tóraǵasy: — Aqtóbe oblysynda 8 600 volonter qyzmet kórsetip jatyr.

Atyraý oblysynda 9 myńnan astam, BQO-da 5 myńǵa jýyq volonter, Qostanaı oblysynda 3 myńnan astam jáne SQO-da 1600-den astam volonter qyzmet kórsetip jatyr. Barlyq óńirden kelip túsken qońyraýlar, barlyq ótinishterdi qajettiligine baılanysty volonterler jergilikti ákimshiliktermen baılanysta otyryp, máseleni sheshýde jumysy jalǵasa beredi.